Выбрать язык
Книги Ветхого Завета
Книги Нового Завета
с русским текстом1Вааса пумысен Ананийлэн Иуй пиезлы Кузё-Инмар дорысь тазьы верамын вал:2«Тонэ, тузон пӧлысь ӝутыса, Аслам израиль калыкелы азьвалтӥсь кари, нош тон Иеровоамлэн сюрес кузяз мынӥд но израиль калыкме сьӧлыке пыртӥд, сьӧлыкъёсыныз Мынэсьтым вожме мед поттоз шуыса, – со понна,3тани, Ваасалэсь выжызэ, солэн выжыезлэсь выжызэ кулэтэм каро, тынад выжыедлы озьы ик лэсьто, кызьы лэсьтӥ Наватлэн Иеровоам пиезлы;4Ваасалэн городын кинэз ке кулӥз, сое пуныос сиёзы; нош солэн кинэз ке бусые кулӥз, сое ин тылобурдоос кокчалозы».
5Ваасалэн мукет ужъёсыз, ваньмыз, мар со лэсьтӥз, бадӟымесь ужъёсыз Израиль эксэйёслэн книгаязы гожтэмын.6Вааса кулӥз но, атайёсыныз огазе сое Фирцае ватӥзы. Солэн интыяз эксэе Ила пиез пуксиз.7Нош Ананийлэн Иуй пиез пыр Кузё-Инмар дорысь Вааса сярысь, солэн выжыез сярысь верамын вал, кызьы со Кузё-Инмарлэн син азяз вань урод ужъёссэ ас киыныз лэсьтылӥз, Иеровоам выжылэсь адӟем карыса лэсьтылӥз но Кузё-Инмарлэсь вожзэ поттылӥз – со понна со быдтэмын вал.
8Иудеяын кызь куатетӥ арзэ Аса эксэйын пукыку, Фирцаын, Израильлы эксэе Ваасалэн Ила пиез пуксиз, кык ар ӵоже со эксэй луыса кивалтӥз.9Ожмаськон уробоослэн ӝыны люкетэнызы кивалтӥсь, Замврий нимо ляльчиез солы пумит лушкемен быдтон вылысь уж нуыны кутскиз. Фирцаын улон дыръяз татысь эксэй юртэн кивалтӥсь Арсалэн дораз со кудӟытозяз юиз.10Соку отчы Замврий пыриз но Илаез погыртӥз, сое отчы вииз. Иудеялэн эксэез, Аса, кызь сизьыметӥ арзэ кивалтыку, Ила интые Замврий эксэе пуксиз.
11Эксэй кариськыса, Илалэн эксэй пукон вылаз пуксем бераз Ваасалэсь вань семьязэ виылӥз, борддор борды кизясьсэ но ӧз кельты, ӵыжы-выжыоссэ но, эшъёссэ но.12Вааса пумысен Иуй пророк пыр Кузё-Инмарлэн верам кылыз быдэсмиз: Ваасалэсь вань семьязэ Замврий быдтӥз,13Ваасалэн вань сьӧлыкъёсыз понна, Ила пиезлэн сьӧлыкъёсыз понна – асьсэлэн вань лэсьтылэм сьӧлыкъёсынызы Израилез но сьӧлыке пыртылӥзы, асьсэлэн сульдэръёсынызы-идолъёсынызы Израильлэн Инмарезлэсь Кузё-Инмарлэсь вожзэ поттылӥзы.14Илалэн мукет ужъёсыз, ваньмыз, мар со лэсьтӥз, Израиль эксэйёслэн книгаязы гожтэмын.
15Иудеялэн эксэез, Аса, кызь сизьыметӥ арзэ эксэйын пукыку, Замврий эксэе пуксиз но Фирцаын сизьым нунал эксэй луыса кузёяськиз, – калык Филистим музъемысь Гавафон кар котырын ожмаськыку.16Гавафонэз котыртыса возись калык кылӥз, Замврий лушкемен эксэез вииз шуыса, соку вань израиль калык ож ужен кивалтӥсьсэс Амвриез со нуналэ, ожмаськон дорысенызы ик, Израильлы эксэе пуктӥзы.17Амврий но соин ӵош вань израиль калык, Гавафон дорысь кошкыса, Фирцаез котыртӥзы.18Город киултэмын ни шуыса, Замврий адӟиз но, эксэй коркалэн пыдлось бӧльмы сьӧраз пырыса, эксэй корка тыл понӥз, ачиз но кулӥз,19аслаз сьӧлыкъёсыз понна, Кузё-Инмарлэн син азяз ярантэм ужъёс лэсьтэмез понна, Иеровоамлэн сюресэз кузя ветлыса, Израилез сьӧлыке пыртон вылысь сьӧлыкаса улэмез понна.20Замврийлэн мукет ужъёсыз сярысь, эксэез виыны лушкем уж лэсьтэмез сярысь Израиль эксэйёслэн книгаязы гожтэмын.
21Соку израиль калык шори люкиськиз: ӝыныез калык Гонафлэн Фамний пиез пала со эксэй мед луоз шуыса султӥз, нош ӝыныез – Амврий пала.22Амврий понна сылӥсь калык Гонафлэн Фамний пиез понна сылӥсь калыкез вормиз, соку Фамний кулӥз но, Амврий эксэе пуксиз.23Иудеяын Аса куамын одӥгетӥ арзэ эксэйын пукыку, Израильлы эксэе Амврий пуксиз, дас кык ар ӵоже эксэй пуконын пукиз. Фирцаын со куать ар ӵоже эксэй вал.24Соку Амврий, кык талант азвесь уксё тырыса, Семирлэсь Семерон гурезьзэ басьтӥз; гурезь вылэ юртъёс пуктылӥз, лэсьтэм городзэ Самария шуыса нимаз – гурезь кузёлэн Семирлэн нимызъя.
25Кузё-Инмарлэн син азяз Амврий ярантэм ужъёс лэсьтыса улӥз, солэсь азьвыл луэм эксэйёслэсь ваньзылэсь но уродгес ужъёс лэсьтылӥз.26Вань ужъёсаз со Наватлэн Иеровоам пиезлэн сюрес кузяз ветлӥз, солэсь сьӧлыкъёссэ лэсьтылӥз, соосын со израиль калыкез сьӧлыкъёс пӧлы пыртылӥз, – сульдэръёсыныз-идолъёсыныз Израильлэн Инмарезлэсь Кузё-Инмарлэсь вожзэ поттон понна.27Амврийлэн мукет лэсьтэм ужъёсыз, кышкасьтэм луонзэ возьматэмез Израиль эксэйёслэн книгаязы гожтэмын.28Амврий кулӥз но, атайёсыныз огазе Самарияе ватӥзы. Солэн интыяз Ахав пиез эксэе пуксиз.
29Амврийлэн Ахав пиез, Иудеяын Аса куамын тямысэтӥ арзэ эксэйын пукыку, Израильлы эксэе пуксиз; Амврийлэн Ахав пиез кызь кык ар ӵоже Израильын но Самарияын эксэй луыса кузёяськыса улӥз.30Амврийлэн Ахав пиез Кузё-Инмарлэн син азяз солэсь азьвыл луэм эксэйёслэсь ваньзылэсь тросгес урод ужъёс лэсьтыса улӥз.31Солы уг тырмы вал Наватлэн Иеровоам пиезлэсь сьӧлыкъёссэ лэсьтыса улыны, со Сӥдон эксэйлэсь Ефвааллэсь нылзэ Иезавелез аслыз кышно басьтӥз но Вааллы ужаса-тыршыса, йыбыртъяса улыны кутскиз.32Самарияе, Вааллэн куалаяз, Вааллы сӥзьыса курбон сётон инты лэсьтӥз.33Ахав тыпы сурдэ вӧсяськон усьтӥз; солэсь азьвыл улэм Израильлэн вань эксэйёсыныз ӵошатыса, Ахав тросгес урод ужъёс лэсьтӥз, соос Израильлэн Инмарезлэсь Кузё-Инмарлэсь вожзэ потто, [озьы со аслэсьтыз лулзэ быдтӥз].34Со нуналъёсы Вефильысь Ахиил Иерихонэз выльысен пуктӥз: нырысь вордскем Авирам пиез кулӥз, карлэсь инъетсэ пуктыку, Сегуб нимо покчи пиез кулӥз, карлэсь капказэ пуктыку, – Кузё-Инмар Навинлэн Иисус пиез пыр тазьы вераз вал.
Глава 16