Выбрать язык
Книги Ветхого Завета
Книги Нового Завета
с русским текстом1Ахав Иезавельлы ваньзэ вераз, мар лэсьтӥз Илия, кызьы со азьпалзэ тодытӥсьёсты ваньзэс мечен вииз.2Иезавель Илия доры адямизэ лэзиз тазьы вераны: «[Тон Илия ке, нош мон Иезавель ке,] инмаръёс мыным сое но сое мед лэсьтозы, эшшо тросгес но мед лэсьтозы, ӵуказе та дырлы тынад лулыдлы ӧй ке лэсьты сое, мар лэсьтэмын вал соослэн лулзылы».
3Тае тодэм бераз, аслэсьтыз улонзэ утён понна, Илия султыса кошкиз. Иудеяысь Вирсавия каре вуиз, отчы аслэсьтыз егит медо пизэ кельтӥз.4Ачиз одӥг нунал мынон кеме, луоё кыр дуннее кошкиз. Отчы вуыса, сусыпу выжые пуксиз но аслыз кулон курыса шуиз: «Кузё-Инмаре, тырмоз ини, басьты мынэсьтым лулме, мон атайёсылэсь номырин но умойгес ӧвӧл уго».5Выдӥз но сусыпу выжые умме усиз. Тани, соку со борды Кылчин йӧтӥськыса солы шуиз: «Султы, си, [ю]».6Илия учкиз но, тани, солэн йыр дораз пыжем уднянь кылле, кувшинэн ву сылэ. Со сиськиз, сюзэ юзматӥз но нош ик умме усиз.7Кузё-Инмарлэн Кылчинэз, кыкетӥ ползэ лыктыса, со борды йӧтӥськиз но шуиз: «Султы, си, [ю], уго тонэ азьпалад кузь сюрес возьма».8Султыса сиськиз, сюзэ юзматӥз но, со сиён-юонэн кужым люкаса, ньыльдон нунал, ньыльдон уй ӵоже Инмарлэн Хорив гурезез дорозь мынӥз.9Отысен со гурезь пасе (пещерае) пырыса, отын уйзэ потӥз. Соку тани солы Кузё-Инмар дорысь верамын вал, Кузё-Инмар солы шуиз: «Илия, малы тон татын?»
10Илия шуиз: «Кузё-Инмар Саваоф Инмар понна мон ялан сюлмысьтым тыршыса ужай, уго израиль пиос сӥзён-косондэ кулэтэм каризы, курбон сётон интыостэ куашкатӥзы, пророкъёстэ мечен виылӥзы; мон огнам кыли, табере мынэсьтым лулме утчало сое быдтон понна».
11Соку Кузё-Инмар солы шуиз: «Пот но Кузё-Инмарлэн азяз гурезь йылэ султы. Тани, Кузё-Инмар ортчоз, Кузё-Инмарлэн азьтӥз бадӟым, кужмо тӧл пельтоз, гурезьёсты кесяса, изгурезьёсты куашкатъяса мыноз, но Кузё-Инмар тӧл пушкын ӧвӧл; сильтӧл бере музъем зуркалоз, но Кузё-Инмар музъем зуркан пушкын ӧвӧл;12музъем зуркан бере тыл потоз, но Кузё-Инмар тыл пушкын ӧвӧл; тыл бере, куара поттыса, ыркыт тӧл пельтоз, [отын Кузё-Инмар]».13Тае кылэм бераз Илия выл дӥсеныз ымнырзэ шобыртӥз но, кыре потыса, музъем пасе (пещерае) пырон доры султӥз. Со доры куара вуиз, со шуиз: «Илия, малы тон татын?»
14Со шуиз: «Кузё-Инмар Саваоф Инмар понна мон ялан сюлмысьтым тыршыса ужай, уго израиль пиос сӥзён-косондэ кулэтэм каризы, курбон сётон интыостэ куашкатӥзы, пророкъёстэ мечен виылӥзы; мон огнам кыли, табере мынэсьтым лулме утчало сое быдтон понна».
15Кузё-Инмар солы шуиз: «Аслад сюрестӥд берен берт, луоё кыр дунне пыр Дамаске мын, отчы вуэм берад Азаилэз Сириялы эксэй карыны вӧйын зырӟы,16нош Намессийлэсь Ииуй пизэ Израильлы эксэй карыны вӧйын зырӟы; Авел-Мехолаысь Сафатлэсь Елисей пизэ ас интыяд пророк карыны вӧйын зырӟы.
17Азаиллэн меч улысьтыз кин ке пегӟиз ке, сое Ииуй виёз, нош кин ке Ииуйлэн мечезлэсь утиськыны быгатӥз ке, сое Елисей виёз.18Израиль калык пӧлы Мон сизьым сюрс [пиосмуртъёсты] улэп кельтӥ; ваньзы таос Ваал азьын йыбыртъяса ӧз улэ, ваньзы таос сое чупаса ӧз улэ».
19Отысь кошкыса, Илия Сафатлэсь Елисей пизэ шедьтӥз, – со гыре вал; дас кык пар [ошъёсыз] вал, со ачиз дас кыкетӥеныз парен гыриз. Илия, солэн вӧзтӥз кошкыкуз, солэн вылаз ыжку выл дӥсьсэ куштӥз.20Соку [Елисей] ошъёссэ кельтӥз но Илия сьӧры бызьыса мынӥз, солы шуиз: «Лэзь монэ атайме, анайме чупаса кельтыны, собере мон тон бӧрсьы мыно». Илия солы шуиз: «Мын, но берен лыкты. Мар мон тыныд лэсьтӥ?»21Солэн палэназ кожыса, кык ошсэ кутӥз но вандӥз, ошъёслэсь гырон пу герызэс аратӥз но со вылын сӥльзэ пыжиз-кебатӥз, сое калыклы сётъяз, соос сиизы. Нош ачиз султӥз но Илия сьӧры мынӥз, со бордын ужаса-тыршыса улӥз.
Глава 19