Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Библия»содержание1-я книга Моисеева. Бытие2-я книга Моисеева. Исход3-я книга Моисеева. Левит4-я книга Моисеева. Числа5-я книга Моисеева. ВторозакониеИисус НавинСудьиРуфь1-я Книга Царств2-я книга Царств 3-я книга Царств4-я книга Царств1-я Паралипоменон2-я ПаралипоменонЕздраНеемияЕсфирьИовПсалтирьПритчиЕкклесиастПесня ПеснейИсаияИеремияПлач ИеремииИезекиильДаниилОсияИоильАмосАвдияИонаМихейНаумАввакумСофонияАггейЗахарияМалахия

Книги Нового Завета Выбрать книгупро «Библия»содержаниеот Матфеяот Маркаот Лукиот ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудак Римлянам1-е Коринфянам2-е Коринфянамк Галатамк Ефесянамк Филиппийцамк Колоссянам1-е Фессалоникийцам2-е Фессалоникийцам1-е Тимофею2-е Тимофеюк Титук Филимонук ЕвреямОткровениесловари

ПАРАЛИПОМЕНОН

1-тӥ книга

11-тӥ ЛЮКЕТ

1Вань израиль калык Хевронэ Давид доры люкаськыса шуиз: «Тани, ми тынад лыосыд, тынад мугорыд;2толон но, толон валлян но, куке Саул эксэй на вал, тон поттад-пыртад, валтылӥд Израилез, соку Инмаред Кузё-Инмар тыныд шуиз: ”Тон Мынэсьтым израиль калыкме возьмалод, тон Мынам израиль калыкелэн азьветлӥсез луод”».3Израильлэн вань тӧроосыз Хевронэ эксэй доры лыктӥзы но Давид соосын Хевронын, Кузё-Инмар азьын, сӥзён-косон пыр кусып кылдытӥз. Кузё-Инмарлэн Самуил пыр верам кылызъя соос Давидэз, вӧйын зырӟыса, Израильлы эксэе пуктӥзы.

4Давид но, вань израиль калык но Иерусалиме – Иевусэ – мынӥзы. Нош отын иевусей калык вал, со музъемын улӥсьёс.5Иевусын улӥсьёс Давидлы шуизы: «Татчы уд пыры». Нош Давид Сӥон изкарез киултӥз; со Давидлэн городэз луиз.6Соку Давид шуиз: «Кин ваньмызлэсь азьло иевусейёсты погыртоз, со ик йыр но ожгарчиослы кивалтӥсь луоз». Ваньмызлэсь азьло Саруялэн Иоав пиез ӝутскиз но йыр луиз.

7Давид со изкарын улӥз, соин ик сое Давидлэн карез шуыса нимазы.8Давид быдэс город котыре юртъеръёс пуктылӥз, Милло дорысен кутскыса, котырак пуктӥськиз, нош Иоав городлэсь мукет люкетъёссэ выльдӥз.9Ужаз-улоназ Давидлэн азинлыкез вал, вылэ но вылэ ӝутскиз, Саваоф Кузё-Инмар соин ӵош вал.

10Тани, Давидлэн кужмоосыз пӧлысь вылӥосыз, соос соин ӵош солэн эксэйлыказ юн тыршизы-ужазы, вань израиль калыкен ӵош, Кузё-Инмарлэн верам кылызъя, сое Израильлы эксэе пуктон понна.11Тани Давидлэн кышкасьтэм ожгарчиосыз: Иесваал – Ахаманилэн пиез, куамын ожгарчиослэн йырзы; со шибодызэ ӝутӥз но огкутскемен куинь сю муртэз погыртӥз.12Со бере мынэ Ахохи выжыысь Додолэн Елеазар пиез, куинь кужмоос пӧлысь одӥгез:13со Давидэн ӵош Фасдамимын вал, филистим калыклэн ожмаськыны дасяськон интыяз. Отысь бусыын оглюкетаз йыды киземын вал; калык филистим ожгарчиослэсь бызьыса пегӟыны кутскиз.14Нош соос бусы шоры султӥзы но сое утизы, филистим ожгарчиосты погыртӥзы. Кузё-Инмар бадӟым утиськон сётӥз!

15Куамын азьвалтӥсьёс пӧлысь куинез йыръёс Давид доры, Одоллам пещерае, лыктӥзы, соку филистим ожгарчиослэн станзы Рефаим нёжалэ интыяськемын вал.16Давид соку юнматэм интыын вал, нош филистим калыклэн возьмаськись ожгарчиосыз Вифлеемын сылӥзы.17Давидлэн туж юэмез потӥз, со шуиз: «Кин монэ Вифлеемысь капка доры интыяськем гудӟемысь вуэн секталоз?»18Соку та куинь кужмоос филистим ожгарчиослэн станазы пыризы но Вифлеемысь капка доры интыяськем гудӟемысь ву омыртыса вайизы. Нош Давидлэн сое юэмез ӧз поты, Кузё-Инмарлэн данлыкез понна сое кисьтӥз но19шуиз: «Тае мед лэсьтом шуыса, Кузё-Инмаре, уть монэ! Лулзэс сётыны дась луэм воргоронъёслэсь вирзэс мон юом шат! Уго, ас улонзылы кышкытлык кылдытыса, соос ву вайизы». Сое юэмез ӧз поты. Тӥни, мар лэсьтӥзы та куинь кышкасьтэмъёс.

20Иоавлэн Авесса выныз куинь муртлы йыр вал: со аслаз шибодыеныз куинь сю муртэз вииз, та куинь муртъёс азьын со данлыко вал.21Куиньзы пӧлысь со нимо-даноез, кивалтӥсь йырзы вал; но сое та куинь кышкасьтэмъёсын оградэ пыртыны уг луы вал.22Кышкасьтэм Иодай воргоронлэн Ванея пиез, ужъёсызъя быдӟым мурт, Кавцеилын вордскем маке, со Моавысь Арииллэсь кык пиоссэ вииз; со ик лымыё дыръя, гуэ васькыса, сьӧсь пӧйшурез вииз.23Со ик вить гырпум кузьда египет пиез вииз: египет пилэн кияз шибодыез вал, куиськисьёслэн есозы зӧкта, нош со бодыен со доры лыктӥз но, египет пилэн киысьтыз шибодызэ ишкалтыса, аслаз шибодыеныз ик сое вииз.24Тӥни, мар лэсьтӥз Ванея, Иодайлэн пиез. Со куинь кужмоос пӧлын данлыко вал;25куамын мурт пӧлысь со нимо-даноезгес вал, но куиненыз кышкасьтэмъёсын сое ӵошатыны но уг лу вал; Давид косонъёссэ быдэсъясьёс пӧлысь сое аслаз матаз кариз.

26Кужмоесь ожгарчиос пӧлын вал: Иоавлэн братэз Асаил, Вифлеемысь Додолэн Елханан пиез;27Гарод карысь Шамма; Пелон карысь Херец;28Фекоя карысь Иккешлэн Ира пиез; Анафоф карысь Евиезер;29Хуша карысь Сӥвхай; Ахохи выжыысь Илай;30Нетофаф карысь Магарай; Нетофаф карысь Вааналэн Хелед пиез;31Вениамин выжылэн Гива карысьтыз Рибайлэн Иттай пиез; Пирафон карысь Ванея;32Нагале-Гаашысь Хурай; Араваысь Авиел;33Бахарум карысь Азмавеф; Шаалбон карысь Елияхба,34Гизон карысь Гашемлэн пиосыз: Гарар карысь Ионафан, Шагелэн пиез;35Гарар карысь Сахарлэн Ахиам пиез; Уралэн Елифал пиез;36Махераысь Хефер; Пелон карысь Ахиа;37Кармел карысь Хецрой; Езбайлэн Наарай пиез;38Нафанлэн братэз Иоиль; Гагрийлэн Мивхар пиез;39Аммон карысь Целек; Бероф карысь Нахарай, Саруялэн Иоав пиезлэн ожмаськон тӥрлык нуллӥсез;40Ифри карысь Ира; Ифри карысь Гареб;41хеттей пи Урия; Ахлайлэн Завад пиез;42Шизалэн Адина пиез, Рувим выжыын вордскем мурт, Рувим выжылэн йырыз, солэн куамын ожгарчиез вал;43Маахалэн Ханан пиез; Мифон карысь Иосафат;44Аштероф карысь Уззия; Шама Иеиел, Ароер карысь Хофамлэн пиосыз;45Шимрийлэн Иедиаел пиез, солэн братэз Фиц карысь Иоха;46Махавимысь Елиел; Иеравияен Иошавия Елнаамлэн пиосыз; Моавысь Ифма;47Елиел, Овед но Мецоваяысь Иасиел.

 Глава 11