Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Библия»содержание1-я книга Моисеева. Бытие2-я книга Моисеева. Исход3-я книга Моисеева. Левит4-я книга Моисеева. Числа5-я книга Моисеева. ВторозакониеИисус НавинСудьиРуфь1-я Книга Царств2-я книга Царств 3-я книга Царств4-я книга Царств1-я Паралипоменон2-я ПаралипоменонЕздраНеемияЕсфирьИовПсалтирьПритчиЕкклесиастПесня ПеснейИсаияИеремияПлач ИеремииИезекиильДаниилОсияИоильАмосАвдияИонаМихейНаумАввакумСофонияАггейЗахарияМалахия

Книги Нового Завета Выбрать книгупро «Библия»содержаниеот Матфеяот Маркаот Лукиот ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудак Римлянам1-е Коринфянам2-е Коринфянамк Галатамк Ефесянамк Филиппийцамк Колоссянам1-е Фессалоникийцам2-е Фессалоникийцам1-е Тимофею2-е Тимофеюк Титук Филимонук ЕвреямОткровениесловари

ПАРАЛИПОМЕНОН

1-тӥ книга

22-тӥ ЛЮКЕТ

1Соку Давид шуиз: «Тани Инмарлэн Кузё-Инмарлэн коркаез, тани Израильлэн тылын сутӥськись курбон сётон ӝӧкез».

2Давид Израиль музъемын улӥсь лыктэм калыкез люканы косӥз, Инмар корка пуктон понна изъёс вӧлыны из вӧлӥсьёсты пуктӥз.3Капка ӧсъёсты юнматыны Давид кортӵогъёслы трос корт дасяз, трос, весэн мертамтэ ыргон дасяз,4Сӥдонын, Тирын улӥсьёс Давидлы лыдъянтэм трос кедырпу коръёс вайизы.5Давид шуиз: «Соломон пие пинал на, кужымтэм, нош Кузё-Инмарлы пуктоно корка бадӟым, учкымон, данъяськыны ярамон, вань музъемъёслы синмаськыны ярамон луыны кулэ: озьыен, солы мон дасяны кутско». Давид кулытозяз трос дасяз.

6Соломон пизэ ӧтиз но солы Израильлэн Инмарезлы Кузё-Инмарлы корка пуктыны косӥз.7Давид Соломонлы шуиз: «Пие! Инмарелэн Кузё-Инмарлэн нимызлы сӥзем корка пуктон мынам сюлмам улӥз,8но мыным Кузё-Инмар дорысь тазьы верамын вал: ”Тон бадӟымесь ожъёс нуид, трос вир кисьтӥд; тыныд уг яра Мынам нимылы сӥзем корка пуктыны, малы ке шуоно Мынам азям, музъем вылэ тон трос вир кисьтӥд.9Тани, тынад пиед вордскоз: со тупаса улӥсь мурт луоз; котыраз улӥсь тушмонъёслэсь каньылэн улон Мон солы сёто: соин ик солэн нимыз Соломон луоз. Солэн улон нуналъёсаз Израильлы тупаса улон, каньыллык сёто.10Мынам нимылы сӥзем корка со пуктоз, со Мыным пи луоз, нош Мон солы атай, Израилен кивалтыны эксэй престолэз дауръёслы юнмато”.

11Пие! Кузё-Инмар тонэ медаз кушты, тынад азинлыкед мед луоз, Инмаредлы Кузё-Инмарлы корка мед пуктод, кызьы Со тон сярысь вераз.12Кузё-Инмар тыныд валан, визьлык мед сётоз, Израильлы тонэ кузёе мед пуктоз, Инмаредлэсь Кузё-Инмарлэсь законзэ кабыл басьтыса ул.13Соку тынад азинлыкед луоз, быдэсъяны тыршид ке Кузё-Инмарлэсь Моисей пыр Израильлы сётэм пуктон-косонъёссэ, законъёссэ. Кышкасьтэм, юн лу, эн кышка, эн ӝожъяськы.14Ачим начар луыса вылысь Кузё-Инмарлы корка пуктыны дасяй сю сюрс талант зарни, сюрс пол сюрс талант азвесь, нош ыргонэз но кортэз весэн мертаны луонтэм, малы ке шуоно соос туж трос; пу но, изъёс но мон дасяй, нош тон та вӧзы ватса на.15Тынад трос ужасьёсыд, из вӧлӥсьёсыд, вандылӥсьёсыд, тӥрен ужасьёсыд, пӧртэм ужъёс быдэсъяны кибашлыосыд вань;16зарни, азвесь но ыргон, корт лыдъянтэм трос: кутскы но лэсьты, Кузё-Инмар тонэныд огазьын луоз».

17Израильысь вань кивалтӥсьёслы Давид косон сётӥз – солэн пиезлы, Соломонлы, мед юрттозы:18«Асьмелэн Инмармы Кузё-Инмар тӥледын ӧвӧл-а? Котыр ласянь Со тӥледлы каньыллык сётӥз, уго Со мынам киулам сётӥз та музъемын улӥсьёсты, Кузё-Инмарлы, Солэн калыкезлы та музъем тэрытскыса улыны кутскиз.19Озьыен, сюлэмдэс, лулдэс Инмардэс Кузё-Инмарез утчан пала берыктэ. Султэлэ но Инмарлы Кузё-Инмарлы сӥзем вӧсяськон инты пуктэ, отчы Кузё-Инмарлэн нимызлы сӥзем корка, Кузё-Инмарлэсь сӥзён ковчегзэ, вӧсяськон сосудъёсты вае».

 Глава 22