Выбрать язык
Книги Ветхого Завета
Книги Нового Завета
без русского текстаПАРАЛИПОМЕНОН1-тӥ книга | ПЕРВАЯ КНИГА ПАРАЛИПОМЕНОН |
28-тӥ ЛЮКЕТ | Глава 28 |
| 1Давид Иерусалиме израиль калыклэсь вань азьвалтӥсьёссэ, выжыослэсь тӧрооссэс, отрядъёслэсь кивалтӥсьёссэс, эксэйлы ужась-тыршисьёсты, сюрс ожгарчиосын, сю ожгарчиосын кивалтӥсьёсты, быдэс эксэй юртэз утись-чакласьёсты, эксэйлэсь пудооссэ возьмасьёсты, эксэйлэсь нылпиоссэ утись-чаклась евнухъёсты, ож ужен кивалтӥсьёсты, вань кышкасьтэм пиосмуртъёсты люказ. | 1И собрал Давид в Иерусалим всех вождей Израильских, начальников колен и начальников отделов, служивших царю, и тысяченачальников, и стоначальников, и заведывавших всем имением и стадами царя и сыновей его с евнухами, военачальников и всех храбрых мужей. |
| 2Давид эксэй пыд йылаз султыса шуиз: «Агай-вынъёсы, калыке, кылзэ монэ! Мынам сюлмам вал Инмармылэн пыд выжыяз Кузё-Инмарлэн сӥзён-косонэныз ковчегез возён корка пуктыны, мар кулэ пуктӥськыку, мон сое дасяй. | 2И стал Давид царь на ноги свои и сказал: послушайте меня, братья мои и народ мой! было у меня на сердце построить дом покоя для ковчега завета Господня и в подножие ногам Бога нашего, и потребное для строения я приготовил. |
| 3Нош Инмар мыным шуиз: ”Мынам нимылы сӥзем корка эн пукты, малы ке шуоно тон ожмаськись, вир кисьтӥсь адями”. | 3Но Бог сказал мне: не строй дома имени Моему, потому что ты человек воинственный и проливал кровь. |
| 4Озьы ке но Израильлэн Инмарез Кузё-Инмар мынам атаелэн быдэс выжыысьтыз монэ бырйиз, пумтэм вапумъёс ӵоже Израильлы эксэй мед луом шуыса, малы ке шуоно Иудаез Со кивалтӥсьлы бырйиз, нош Иудалэн выжыысьтыз, мынам атаелэсь выжызэ бырйиз, нош мынам атаелэн пиосыз пӧлысь быдэс Израильлы эксэе пуктыны мыным ӟеч эриксэ возьматӥз, | 4Однакоже избрал Господь Бог Израилев меня из всего дома отца моего, чтоб быть мне царем над Израилем вечно, потому что Иуду избрал Он князем, а в доме Иуды дом отца моего, а из сыновей отца моего меня благоволил поставить царем над всем Израилем, |
| 5нош мынам вань пиосы пӧлысь, – трос пиос сётӥз мыным Кузё-Инмар, – Со бырйиз Соломонэз, мынэсьтым пиме, Кузё-Инмарлэн Израильлы сётэм эксэйлыкезлэн пукон вылаз пукыны, | 5из всех же сыновей моих, --ибо много сыновей дал мне Господь, --Он избрал Соломона, сына моего, сидеть на престоле царства Господня над Израилем, |
| 6собере мыным шуиз: ”Соломон, тынад пиед, Мынэсьтым коркаме пуктоз, азбаръёсме но, уго Мон сое Аслым пилы бырйи, Мон солы атай луо, | 6и сказал мне: Соломон, сын твой, построит дом Мой и дворы Мои, потому что Я избрал его Себе в сына, и Я буду ему Отцом; |
| 7туннэ нуналозь кадь Мынэсьтым курон-косонъёсме, пуктон-косонъёсме юн утьыса возиз ке, солэсь эксэйлыксэ пумтэм вапумъёслы юнмато”. | 7и утвержу царство его на веки, если он будет тверд в исполнении заповедей Моих и уставов Моих, как до сего дня. |
| 8Нош али быдэс Израильлэн, Кузё-Инмарлэн люкам калыкезлэн, син азяз, Инмармылэн пеляз кылӥськымон верасько: уте, быдэсъялэ Инмардылэсь, Кузё-Инмарлэсь вань курон-косонъёссэ та ӟеч музъемез киулады возьыны мед быгатоды, асьтэ бере сое пумтэм вапумъёс ӵожелы асьтэлэн нылпиостылы люкетлы кельтыны мед быгатоды. | 8И теперь пред очами всего Израиля, собрания Господня, и во уши Бога нашего говорю: соблюдайте и держитесь всех заповедей Господа Бога вашего, чтобы владеть вам сею доброю землею и оставить ее после себя в наследство детям своим на век; |
| 9Тон но, Соломон, мынам пие, тод атаедлэсь Инмарзэ, вань сюлмыныд, мылкыдыныд солы ужаса-тыршыса ул, уго Кузё-Инмар вань сюлэмъёсты эскере, вань малпанъёсмылэсь бергамзэс тодэ. Утчад ке Сое, шедьтод Сое, нош Со дорысь палэнскид ке, Со вань вапумъёс ӵожелы тонэ палэнтоз. | 9и ты, Соломон, сын мой, знай Бога отца твоего и служи Ему от всего сердца и от всей души, ибо Господь испытует все сердца и знает все движения мыслей. Если будешь искать Его, то найдешь Его, а если оставишь Его, Он оставит тебя навсегда. |
| 10Учкы ук, вӧсяськонлы корка пуктыны тонэ Кузё-Инмар бырйиз бере, юн лу, ужа». | 10Смотри же, когда Господь избрал тебя построить дом для святилища, будь тверд и делай. |
| 11Давид Соломон пиезлы храм бӧльмылэсь, коркаосызлэсь, тыриськон интыосызлэсь, коркалэн бадӟым палъёсызлэсь, пушкысьтыз шутэтскон интыосызлэсь, ковчег возён коркалэсь чертёжзэс сётӥз. | 11И отдал Давид Соломону, сыну своему, чертеж притвора и домов его, и кладовых его, и горниц его, и внутренних покоев его, и дома для ковчега, |
| 12Мар вал солэн сюлмаз, Кузё-Инмарлэн коркаезлэн азбаръёсызлэсь, котыр ласянь комнатаослэсь, Инмар коркалэн ваньбур возён интыосызлэсь, вӧсяськонлы сӥзем арбериосты возён интыослэсь вань чертёжъёссэс сётӥз, | 12и чертеж всего, что было у него на душе, дворов дома Господня и всех комнат кругом, сокровищниц дома Божия и сокровищниц вещей посвященных, |
| 13со валэктӥз священникъёслэсь, левитъёслэсь служить карон черодъёссэс, Кузё-Инмарлэн корказ службаен герӟаськем пӧртэм ужъёсты, Кузё-Инмарлэн коркасьтыз службаын кутӥськись сосудъёсты, | 13и священнических и левитских отделений, и всякого служебного дела в доме Господнем, и всех служебных сосудов дома Господня, |
| 14со вераз, кӧня зарни но кӧня азвесь кулэ луоз служить карон сосудъёсты лэсьтыны. | 14золотых вещей, с означением веса, для всякого из служебных сосудов, всех вещей серебряных, с означением веса, для всякого из сосудов служебных. |
| 15Югдытон арбериос, зарни лампадаос лэсьтон понна зарни сётӥз, вань югдытон арбериослэсь, лампадаослэсь секталазэс мертаса гожтӥз, озьы ик азвесь югдытон арбериос лэсьтыны вань югдытон арбериослэсь, лампадаослэсь секталазэс мертаса гожтӥз, котькуд югдытон арберилэсь малы кулэ луэмзэс лыдэ басьтыса; | 15И дал золота для светильников и золотых лампад их, с означением веса каждого из светильников и лампад его, также светильников серебряных, с означением веса каждого из светильников и лампад его, смотря по служебному назначению каждого светильника; |
| 16вӧсям нянь тырон ӝӧкъёслы зарни, котькуд зарни ӝӧклы но, азвесь ӝӧкъёслы азвесь сётӥз, | 16и золота для столов предложения хлебов, для каждого золотого стола, и серебра для столов серебряных, |
| 17вилкаос, тэркыос, ву пазянъёс чылкыт зарнилэсь лэсьтэмын, зарни тэркыос: котькуд зарни тэркылэсь секталазэ гожтыса; азвесь тэркыос но: котькуд тэркылэсь секталазэ гожтыса сётӥз, | 17и вилок, и чаш и кропильниц из чистого золота, и золотых блюд, с означением веса каждого блюда, и серебряных блюд, с означением веса каждого блюда, |
| 18ӵындытон курбон сётон ӝӧклы но ӵыжатэм зарнилэсь секталазэ гожтыса сётӥз, ожмаськон уробо лэсьтонэз но, бурдъёссэс вӧлъяса, Кузё-Инмарлэсь сӥзён-косонэныз ковчегзэ шобыртыса улӥсь зарни херувимъёсты лэсьтонэз валэктӥз. | 18и для жертвенника курения из литого золота с означением веса, и устройства колесницы с золотыми херувимами, распростирающими крылья и покрывающими ковчег завета Господня. |
| 19Ваньмыз та Кузё-Инмарлэн гожтэмаз, – вераз Давид, – Со мыным вань пуктӥськон ужъёслы визь-нод сётӥз. | 19Все сие в письмени от Господа, говорил Давид, как Он вразумил меня на все дела постройки. |
| 20Давид Соломон пиезлы шуиз: «Кужмо лу, кышкасьтэм лу, уж борды басьтӥськы, эн кышка, эн куалекъя, уго Инмар Кузё-Инмар мынам Инмаре Со тонэн, Со тон дорысь уз палэнскы, тонэ уз кушты, Кузё-Инмарлэн коркаезлы кулэ вань ужъёстэ быдэстытозяд. | 20И сказал Давид сыну своему Соломону: будь тверд и мужествен, и приступай к делу, не бойся и не ужасайся, ибо Господь Бог, Бог мой, с тобою; Он не отступит от тебя и не оставит тебя, доколе не совершишь всего дела, требуемого для дома Господня. |
| 21Тани Инмарлэн корказ ужаны-тыршыны священникъёслы, левийёслы служить карон черодъёссы. Котькыӵе ужез быдэстыны тынад но сюлмо адямиосыд вань, вань ужъёсты быдэсъяны кибашлы адямиосыд вань, кивалтӥсьёс но, вань калык но тынэсьтыд вань косонъёстэ быдэсъяны дасесь». | 21И вот отделы священников и левитов, для всякой службы при Доме Божием. И у тебя есть для всякого дела усердные люди, искусные для всякой работы, и начальники и весь народ готовы на все твои приказания. |
Глава 28