Выбрать язык
Книги Ветхого Завета
Книги Нового Завета
без русского текстаПСАЛТИРЬ | ПСАЛТИРЬ |
70-тӥ ПСАЛОМ | Глава 70 |
| 1Кузё-Инмаре, Тон вылэ оскиськисько, ноку но возьытэ усёно медам луы. | 1На Тебя, Господи, уповаю, да не постыжусь вовек. |
| 2Тон шонерлыко, уть монэ, мозмыты монэ, пельдэ мон пала мыкырты, уть монэ. | 2По правде Твоей избавь меня и освободи меня; приклони ухо Твое ко мне и спаси меня. |
| 3Утиськон изгурезь лу мыным, котьку но мон отчы ватӥськыны мед быгатысал. Тон монэ утьыны кыл сётӥд, Тон мынам юнматскон интые, изкаре. | 3Будь мне твердым прибежищем, куда я всегда мог бы укрываться; Ты заповедал спасти меня, ибо твердыня моя и крепость моя–Ты. |
| 4Эй, Инмаре! Сьӧлыклэсь кышкасьтэмлэн, законлы пумит улӥсьлэн, ӝикатыса возисьлэн киулысьтыз мозмыты монэ. | 4Боже мой! избавь меня из руки нечестивого, из руки беззаконника и притеснителя, |
| 5Инмаре Кузё-Инмаре, Тон мынам осконэ, пинал дырысеным мынам оскиськонэ. | 5ибо Ты–надежда моя, Господи Боже, упование мое от юности моей. |
| 6Вордскем дырысен Тон вылэ оскиськисько, анае пушкысь Тон монэ поттӥд, Тонэ ушъямысь мон уг дугдылы. | 6На Тебе утверждался я от утробы; Ты извел меня из чрева матери моей; Тебе хвала моя не престанет. |
| 7Тросэз понна мон паймымон маке кадь луи, нош Тон мынам юн оскиськонэ. | 7Для многих я был как бы дивом, но Ты твердая моя надежда. |
| 8Нуналлы быдэ дугдылытэк кылы-ымы Тонэ мед ушъялоз, [Тынэсьтыд данлыктэ кырӟаса вераны мед быгатом,] вераны луонтэм чеберлыкед пырак ӵоже улэ. | 8Да наполнятся уста мои хвалою, чтобы воспевать всякий день великолепие Твое. |
| 9Пересьмон даурам кулэтэм эн кары монэ, кынары бырыны ӧдъяку, эн кушты монэ. | 9Не отвергни меня во время старости; когда будет оскудевать сила моя, не оставь меня, |
| 10Тушмонъёсы мыным пумит верасько, лулме кутыны возьмаськыса улӥсьёс куспазы кенешыса уло. | 10ибо враги мои говорят против меня, и подстерегающие душу мою советуются между собою, |
| 11Шуо: «Инмар сое куштӥз; уйиське, кырме сое, солэн мозмытӥсез ӧвӧл». | 11говоря: `Бог оставил его; преследуйте и схватите его, ибо нет избавляющего'. |
| 12Эй, Инмаре! мынэсьтым эн палэнскы. Эй, Инмаре! дырты мыным юрттӥськыны. | 12Боже! не удаляйся от меня; Боже мой! поспеши на помощь мне. |
| 13Возьытэ мед усёзы, мед бырозы монэн тушмонъяськыса улӥсьёс. Возьытэ вуттонэн, сӥтэм-сантэм луонэн мед шобырскозы мыным уродлык утчасьёс. | 13Да постыдятся и исчезнут враждующие против души моей, да покроются стыдом и бесчестием ищущие мне зла! |
| 14Мон котьку но [Тон вылэ] оскиськыса уло, Тыныд ялан ушъян кылъёс вераса уло. | 14А я всегда буду уповать на Тебя и умножать всякую хвалу Тебе. |
| 15Кылыным-ымыным шонерлыкед сярысь верало, ӟеч каремдэ нуналлы быдэ иворто, мон соослэсь лыдзэс ик уг тодӥськы уго. | 15Уста мои будут возвещать правду Твою, всякий день благодеяния Твои; ибо я не знаю им числа. |
| 16Кутско мон Инмарлэн Кузё-Инмарлэн кужымез сярысь малпаськыны, Тынэсьтыд шонерлыктэ тодам ваё – Тынэсьтыд одӥг огнадлэсь шонерлыктэ тодам ваё. | 16Войду в размышление о силах Господа Бога; воспомяну правду Твою–единственно Твою. |
| 17Эй, Инмаре! Тон монэ пинал дырысеным визьмаса возид, туннэ нуналозь паймымон ужъёстэ ивортӥсько. | 17Боже! Ты наставлял меня от юности моей, и доныне я возвещаю чудеса Твои. |
| 18Вуоно выжылы, вань лыктӥсьёсызлы Тынад быдӟымлыкед, кужымед сярысь ивортытозям, пересьмем берам но, пурысьтам берам но монэ огнаме эн кельты, Инмаре. | 18И до старости, и до седины не оставь меня, Боже, доколе не возвещу силы Твоей роду сему и всем грядущим могущества Твоего. |
| 19Эй, Инмаре, Тынад шонерлыкед ин йылозь; быдӟымесь ужъёс Тон лэсьтӥд. Вань-а Тыныд укшасез, Инмаре? | 19Правда Твоя, Боже, до превыспренних; великие дела соделал Ты; Боже, кто подобен Тебе? |
| 20Тон мон вылэ трос, лекесь шугадӟонъёс ысъялляд, но нош ик лулъяськытылӥд монэ, нош ик музъемлэн пыдэстэм гуысьтыз монэ поттылӥд. | 20Ты посылал на меня многие и лютые беды, но и опять оживлял меня и из бездн земли опять выводил меня. |
| 21Тон монэ вылӥ карылӥд, буйгатылӥд монэ, [музъемлэн пыдэсысьтыз поттылӥд монэ]. | 21Ты возвышал меня и утешал меня. |
| 22Псалтирь шудыса, мон Тонэ, Тынэсьтыд зэмлыктэ кырӟаса данъяло, Инмаре; крезь шудыса, Тонэ кырӟаса ушъяло, Израильлэн Святоез! | 22И я буду славить Тебя на псалтири, Твою истину, Боже мой; буду воспевать Тебя на гуслях, Святый Израилев! |
| 23Тыныд кырӟакум, ымы шумпотэ, лулы но, уго Тон сое мозмытӥд. | 23Радуются уста мои, когда я пою Тебе, и душа моя, которую Ты избавил; |
| 24Нуналлы быдэ Тынэсьтыд шонерлыктэ ивортыло, возьытэ вуттэмын, сантэмамын луозы мыным уродзэ лэсьтыны турттӥсьёс. | 24и язык мой всякий день будет возвещать правду Твою, ибо постыжены и посрамлены ищущие мне зла. О Соломоне. |
Глава 70