Выбрать язык
Книги Ветхого Завета
Книги Нового Завета
без русского текстаПСАЛТИРЬ | ПСАЛТИРЬ |
73-тӥ ПСАЛОМ | Глава 73 |
| Асафлэн дышетонэз. | Учение Асафа. |
| 1Эй, Инмаре, малы милемыз пырак ӵожелы палэнтӥд? Аслад возь вылысьтыд ыжъёслы малы йыркуред ӝуатскиз? | 1Для чего, Боже, отринул нас навсегда? возгорелся гнев Твой на овец пажити Твоей? |
| 2Тодад вай али вашкала дырысен Аслыд карем, люкетлы басьтэм калыктэ, та Сӥон гурезез, кудӥз вылэ Тон улыны интыяськид. | 2Вспомни сонм Твой, который Ты стяжал издревле, искупил в жезл достояния Твоего, –эту гору Сион, на которой Ты веселился. |
| 3Дауръёсын куашкатъям юртъёс доры матэ кар вамышъёстэ: вӧсяськон интыысь тушмон ваньзэ куашкатӥз. | 3Подвигни стопы Твои к вековым развалинам: все разрушил враг во святилище. |
| 4Калыкедлэн люкаськон интыяз тушмонъёсыд вузо; тодметъёсмы интые асьсэлэсь пусъёссэс пуктӥзы. | 4Рыкают враги Твои среди собраний Твоих; поставили знаки свои вместо знамений наших; |
| 5Тугаськем писпу вайёсты кораны тӥр ӝутӥсьлы укшась луэмзэс соос возьматӥзы. | 5показывали себя подобными поднимающему вверх секиру на сплетшиеся ветви дерева; |
| 6Отысь вань вӧлыса чеберъямъёссэ тӥрен, бердышен куашкатӥзы. | 6и ныне все резьбы в нем в один раз разрушили секирами и бердышами; |
| 7Вӧсяськон интыез тылын сутӥзы; Тынад нимыдлы сӥзем улон интыез чылкак саптазы. | 7предали огню святилище Твое; совсем осквернили жилище имени Твоего; |
| 8Асьсэлэн сюлмазы шуизы: «Соосты быдэсак таркалом», – музъем вылысь Инмарлы сӥзем ваньзэ люкаськон интыосты сутӥзы. | 8сказали в сердце своем: `разорим их совсем', –и сожгли все места собраний Божиих на земле. |
| 9Паймымон тодметъёсты ум ни адӟиське, пророк но ӧвӧл ни, талэсь кытчыозь кыстӥськемзэ но тодӥсь ми пӧлын ӧвӧл ни. | 9Знамений наших мы не видим, нет уже пророка, и нет с нами, кто знал бы, доколе это будет. |
| 10Эй, Инмаре, Тынэсьтыд нимдэ тушмон кема-а саптаса возёз на, пумитъяськыса улӥсь пумтэм вапумъёс ӵоже сое курлалоз на-а? | 10Доколе, Боже, будет поносить враг? вечно ли будет хулить противник имя Твое? |
| 11Аслэсьтыд кидэ, бур кидэ малы палэнтӥськод? Пушкысеныд куашкаты соосты. | 11Для чего отклоняешь руку Твою и десницу Твою? Из среды недра Твоего порази их. |
| 12Эй, Инмаре, дауръёслэн кутсконысенызы ик мынам Эксэе, музъем выллэн шораз утиськон тупатӥсь! | 12Боже, Царь мой от века, устрояющий спасение посреди земли! |
| 13Аслад кужыменыд Тон зарезез шортӥз люкид, вуысь кыйёслэсь йыръёссэс сузмытъяд. | 13Ты расторг силою Твоею море, Ты сокрушил головы змиев в воде; |
| 14Левиафан кыйлэсь йырзэ сузмытӥд, кыр дуннеын улӥсь [эфиоп] калыклы сое сиёнлы сётӥд. | 14Ты сокрушил голову левиафана, отдал его в пищу людям пустыни. |
| 15Ошмесэз но шур вуэз ӵогыса поттӥд, кужмоесь шуръёсты Тон куасьтӥд. | 15Ты иссек источник и поток, Ты иссушил сильные реки. |
| 16Нунал но Тынад, уй но Тынад; югдытӥсь макеосты, шундыез Тон юнматӥд. | 16Твой день и Твоя ночь: Ты уготовал светила и солнце; |
| 17Музъемлэсь вань пумъёссэ Тон пуктӥд, гужемез но толэз кылдытӥд. | 17Ты установил все пределы земли, лето и зиму Ты учредил. |
| 18Тодад вай тае: Кузё-Инмар сярысь тушмон урод кылъёс вера, визьзэс ыштэм адямиос Тынэсьтыд нимдэ курлало. | 18Вспомни же: враг поносит Господа, и люди безумные хулят имя Твое. |
| 19Кыр дыдыкедлэсь лулзэ пӧйшуръёслы эн сёты; начар муртъёстэ пырак ӵожелы эн вунэты. | 19Не предай зверям душу горлицы Твоей; собрания убогих Твоих не забудь навсегда. |
| 20Аслад сӥзён-косонэд шоры учкы, уго музъем вылысь вань пеймыт азьёс законлы пумит улон юртъёсын пачылмизы. | 20Призри на завет Твой; ибо наполнились все мрачные места земли жилищами насилия. |
| 21Ултӥям мурт сӥтэм-сантэм луыса медаз берытскы, кураськись мурт, начар мурт Тынэсьтыд нимдэ мед ушъялозы. | 21Да не возвратится угнетенный посрамленным; нищий и убогий да восхвалят имя Твое. |
| 22Эй, Инмаре, султы, дурбасьты Аслад ужедлы, тодад вай визьзэ ыштэмлэсь нуналлы быдэ Тонэ курламзэ. | 22Восстань, Боже, защити дело Твое, вспомни вседневное поношение Твое от безумного; |
| 23Тушмонъёсыдлэсь черекъямзэс эн вунэты; Тыныд пумит султӥсьёслэн куаш поттэмзы дугдылытэк ӝутӥськылэ. | 23не забудь крика врагов Твоих; шум восстающих против Тебя непрестанно поднимается. |
Глава 73