Выбрать язык
Книги Ветхого Завета
Книги Нового Завета
без русского текстаИСАИЯ ПРОРОКЛЭН КНИГАЕЗ | КНИГА ПРОРОКА ИСАИИ |
9-тӥ ЛЮКЕТ | Глава 9 |
| 1Ортчем дыр Завулон музъемез, Неффалим музъемез покчи кариз; нош вуоноез дыр вылӥ кароз Зарезь дур сюресэз, Иордан сьӧр шаерез, язычникъёслэсь Галилея музъемзэс. | 1Прежнее время умалило землю Завулонову и землю Неффалимову; но последующее возвеличит приморский путь, Заиорданскую страну, Галилею языческую. |
| 2Пеймыт азьтӥ ветлӥсь калык быдӟым югытэз адӟоз; кулон вужерлэн шаераз улӥсьёс вылэ югыт пиштыны кутскоз. | 2Народ, ходящий во тьме, увидит свет великий; на живущих в стране тени смертной свет воссияет. |
| 3Тон калыкез йылэтод, солэсь шумпотонзэ будэтод. Со Тон азьын шулдыръяськоз, кызьы аран дыръя шулдыръясько, кызьы, ваньбур люкыку, шумпото. | 3Ты умножишь народ, увеличишь радость его. Он будет веселиться пред Тобою, как веселятся во время жатвы, как радуются при разделе добычи. |
| 4Уго сое ӝикатӥсь сиесэз, сое погыртӥсь корт бодыез, сое ёртыса возисьлэсь бодызэ – Тон куашкатод Мадианлэн нуналаз кадь ик. | 4Ибо ярмо, тяготившее его, и жезл, поражавший его, и трость притеснителя его Ты сокрушишь, как в день Мадиама. |
| 5Ожгарчилэсь нуллэм пыдкутчанзэ, вирен наштаськем дӥськутсэ но сутыны сётозы, – тылэз сюдыны. | 5Ибо всякая обувь воина во время брани и одежда, обагренная кровью, будут отданы на сожжение, в пищу огню. |
| 6Уго асьмелы Нуны вордскиз – асьмелы Пи сётэмын; Солэн пельпум вылаз – кужымлык; Сое нималозы: Паймымон, Визь-нод Сётӥсь, Кужмо Инмар, Пумтэм вапумъёслэн Атайзы, Тупаса улонлэн Эксэез. | 6Ибо младенец родился нам–Сын дан нам; владычество на раменах Его, и нарекут имя Ему: Чудный, Советник, Бог крепкий, Отец вечности, Князь мира. |
| 7Давидлэн престол вылаз, солэн эксэйлыказ Пилэн кужымлыкез, тупаса улонэз пумтэм вапумъёсы улоз, Со эксэйлыксэ шонерлыкен, зэмлыкен юнматоз, кужмоятоз туннэ но, пумтэм вапумъёслы но. Саваоф Кузё-Инмарлэн сюлмаськон-тыршонэз тае лэсьтоз. | 7Умножению владычества Его и мира нет предела на престоле Давида и в царстве его, чтобы Ему утвердить его и укрепить его судом и правдою отныне и до века. Ревность Господа Саваофа соделает это. |
| 8Кузё-Инмар Иаковлы вераны кыл ыстӥз, со кыл Израиль вылын адӟиськоз. | 8Слово посылает Господь на Иакова, и оно нисходит на Израиля, |
| 9Вань калык – Ефремын, Самарияын улӥсьёс – сое тодозы но вылӥ мылкыдын, лек сюлмынызы шуозы: | 9чтобы знал весь народ, Ефрем и жители Самарии, которые с гордостью и надменным сердцем говорят: |
| 10«Кирпичъёс пырдӥзы ке, вӧлэм излэсь пуктомы; сикоморпуосты коразы ке, кедырпуосты мерттомы». | 10кирпичи пали–построим из тесаного камня; сикоморы вырублены–заменим их кедрами. |
| 11Соку Кузё-Инмар соос вылэ Рецинлэсь тушмонъёссэ ӝутоз, тушмонъёсыз кие ожмаськон тӥрлык сётоз: | 11И воздвигнет Господь против него врагов Рецина, и неприятелей его вооружит: |
| 12шундыӝужанысен – сири калыкез, шундыпуксёнысен – филистим пиосты ӝутоз; соос, ымзэс бадӟым усьтыса, Израилез сиёзы. Со виын Солэн вожпотонэз уз на быры, Солэн киыз ӝутӥськыса улоз на. | 12Сириян с востока, а Филистимлян с запада; и будут они пожирать Израиля полным ртом. При всем этом не отвратится гнев Его, и рука Его еще простерта. |
| 13Нош калык Жугись пала уг берыктӥськы, Саваоф Кузё-Инмар доры уг лыкты. | 13Но народ не обращается к Биющему его, и к Господу Саваофу не прибегает. |
| 14Кузё-Инмар одӥг нуналэ ик Израильлэсь йырзэ но, быжзэ но уретоз, пальмаез но, камыш бодыез но ӵогыса куштоз: | 14И отсечет Господь у Израиля голову и хвост, пальму и трость, в один день: |
| 15пересь визьнодчи но нимо-дано мурт – со йыр, нош ӧрекчи дышетӥсь-пророк – со быж. | 15старец и знатный, –это голова; а пророк-лжеучитель есть хвост. |
| 16Та калыклэн азьветлӥсьёсыз ас калыксэс йыромытозы, соослэн кивалтэм улсазы ветлӥсьёс бырозы. | 16И вожди сего народа введут его в заблуждение, и водимые ими погибнут. |
| 17Соин ик Кузё-Инмар Израильлэн егит пиосыз пумысен шум уз поты, солэсь анайтэк-атайтэк кылем нылпиоссэ но, палкышнооссэ но уз жаля; уго ваньзы соос – чеберъяськисьёс, лек муртъёс, ваньзылэн ымъёссы урод кылъёс верало. Та вакытэ Солэн вожпотонэз уз на быры, Солэн киыз ӝутӥськыса улоз на. | 17Поэтому о юношах его не порадуется Господь, и сирот его и вдов его не помилует: ибо все они–лицемеры и злодеи, и уста всех говорят нечестиво. При всем этом не отвратится гнев Его, и рука Его еще простерта. |
| 18Законлы пумит улон тыл кадь кенжиз, со тёрнпуэз но, бышкись куакез но ньылэ, нюлэслэн ӵем интыяз гомаса ӝуа, – ӵын юбоос вылӥе ӝутско. | 18Ибо беззаконие, как огонь, разгорелось, пожирает терновник и колючий кустарник и пылает в чащах леса, и поднимаются столбы дыма. |
| 19Саваоф Кузё-Инмарлэн бадӟым йыркурез музъемез ӵушкалоз, калык тыл сиёнлы пӧрмоз; адями аслэсьтыз агай-вынзэ уз жаля. | 19Ярость Господа Саваофа опалит землю, и народ сделается как бы пищею огня; не пощадит человек брата своего. |
| 20Бурпалтӥз вандылозы – но сютэм кылёзы; паллян палзэ сиыны кутскозы – но кӧтсы уз тыры; котькудӥз ас суйбыгытэзлэсь сӥльзэ сиыны кутскоз: | 20И будут резать по правую сторону, и останутся голодны; и будут есть по левую, и не будут сыты; каждый будет пожирать плоть мышцы своей: |
| 21Манассия – Ефрем выжыез, нош Ефрем Манассия выжыез сиёз, кыксы но, огазе кариськыса, Иудаез сиёзы. Со виын Кузё-Инмарлэн вожпотонэз уз на быры, Солэн киыз ӝутӥськыса улоз на. | 21Манассия–Ефрема, и Ефрем–Манассию, оба вместе–Иуду. При всем этом не отвратится гнев Его, и рука Его еще простерта. |
Глава 9