Библия
Выбрать язык
Книги Ветхого Завета
Книги Нового Завета
с русским текстом
ИСАИЯ ПРОРОКЛЭН КНИГАЕЗ
12-тӥ ЛЮКЕТ
1Со нуналэ тазьы шуод: «Данъясько Тонэ, Кузё-Инмаре;
мон вылэ вождэ поттыса, Тон улӥд,
табере йыркурдэ палэнтӥд но, мон буйгай.
2Инмар – мынам утиськонэ:
Солы мон оскиськисько, соин ик кышкатэк улӥсько;
уго Кузё-Инмар – мынам кужыме, Кузё-Инмар – мынам кырӟанэ;
Со мынам утиськонэ».
3Утиськонлэн ошмесъёсысьтыз шумпотыса ву омыръялоды.
4Со нуналэ тазьы шуоды: «Данъялэ Кузё-Инмарез, Солы вазиське;
калыкъёс пӧлын Солэн ужъёсыз сярысь ивортылэ;
Солэн нимыз быдӟым шуыса, тодазы уськытэ.
5Кузё-Инмарез данъяса кырӟалэ, Со уго быдӟым ужъёс лэсьтӥз –
быдэс музъем вылын тае мед тодозы.
6Шулдыръяське, шумпотэ, Сӥонын улӥсьёс, –
тӥ пӧлын улэ Израильлэн быдӟым Дун-Сьӧлыктэмез».
Глава 12
