Выбрать язык
Книги Ветхого Завета
Книги Нового Завета
без русского текстаИСАИЯ ПРОРОКЛЭН КНИГАЕЗ | КНИГА ПРОРОКА ИСАИИ |
16-тӥ ЛЮКЕТ | Глава 16 |
| 1Кыр дуннеысь Села музъемысь ыжъёстэс ыстэ кузёлы, Сӥон ныллэн гурезяз. | 1Посылайте агнцев владетелю земли из Селы в пустыне на гору дочери Сиона; |
| 2Карысьтыз куштэм, йыромыса ветлӥсь тылобурдолы укшалозы Моавысь нылъёс Арнон шурлэн лазег азьтӥз выжон доръёсын. | 2ибо блуждающей птице, выброшенной из гнезда, будут подобны дочери Моава у бродов Арнонских. |
| 3«Визь-кенеш сёт, шонер сюрес возьматы; нуназе шорын, уйин кадь, аслад вужереныд шобырты, уллямъёсты ват, костаськыса-ёрмыса ветлӥсьёсты тушмон кие эн сёты. | 3`Составь совет, постанови решение; осени нас среди полудня, как ночью, тенью твоею, укрой изгнанных, не выдай скитающихся. |
| 4Моавысь уллям муртъёс тон дорын мед улозы; таласьёслэсь соосты уть, уго отын ёртӥсь-ӝикатӥсь уз ни луы, таласькон-лушкаськон дугдоз, лёгаса-ултӥяса возисьёс музъем вылысь ышозы-бырозы. | 4Пусть поживут у тебя мои изгнанные Моавитяне; будь им покровом от грабителя: ибо притеснителя не станет, грабеж прекратится, попирающие исчезнут с земли. |
| 5Соку эксэй пукон гажан-жалянэн юнмалоз, со вылэ Давидлэн юртаз зэмлыкез яратӥсь судья пуксёз – шонерлыкез утчась, шонерлыко судить карыны тыршись». | 5И утвердится престол милостью, и воссядет на нем в истине, в шатре Давидовом, судия, ищущий правды и стремящийся к правосудию'. |
| 6«Кылэммы вань Моавлэн вылӥ мылкыдо, ушъяськись, вылтӥяськись, жалянэз валасьтэм луэмез сярысь: солэн кылызлы оскиськыны уг, пе, луы». | 6`Слыхали мы о гордости Моава, гордости чрезмерной, о надменности его и высокомерии и неистовстве его: неискренна речь его'. |
| 7Соин ик Моав пумысен Моав куараен бӧрдоз, ваньзы викышъяса бӧрдозы; Кир-Харешетысь изкаръёс понна бадӟым куараен бӧрдэ: соос быдэсак куашкатэмын. | 7Поэтому возрыдает Моав о Моаве, –все будут рыдать; стенайте о твердынях Кирхарешета: они совершенно разрушены. |
| 8Есевон бусыос начармизы, Севамысь виноград бакча но емышсэ уг ни сёты; калыкъёслэн кузёйыръёссы солэсь устоесь модосъёссэ быдтӥзы – соос Иазер кар дорозь вуылӥзы, луоё кыр кузя вӧлдӥськыса, пушъетъёссы зарезь сьӧры пото вал. | 8Поля Есевонские оскудели, также и виноградник Севамский; властители народов истребили лучшие лозы его, которые достигали до Иазера, расстилались по пустыне; побеги их расширялись, переходили за море. |
| 9Соин ик мон но Иазерен ӵош Севамысь модосъёс пумысен бӧрдо, синвуосыным тӥледыз пальккыло, Есевон но Елеала; винограддэ бичан, аранэд дыръя кадь, ӧвӧл ни куаш поттыса шумпотон. | 9Посему и я буду плакать о лозе Севамской плачем Иазера, буду обливать тебя слезами моими, Есевон и Елеала; ибо во время собирания винограда твоего и во время жатвы твоей нет более шумной радости. |
| 10Удалтӥсь музъем вылысь быриз шулдырен, шумпотыса улон; виноград бакчаосын уг ни кырӟало, шумпотыса уг ни лӧптыло; виноград будэтӥсь вина виятон гуын уг лёга виноградзэ; шумпотыса улонэз Мон быдтӥ. | 10Исчезло с плодоносной земли веселье и ликование, и в виноградниках не поют, не ликуют; виноградарь не топчет винограда в точилах: Я прекратил ликование. |
| 11Соин мынам пушкы-еры Моав пумысен крезь музэн бӧрдэ-ӝуштэ, нош сюлмы Кир-Харешет пумысен куректэ. | 11Оттого внутренность моя стонет о Моаве, как гусли, и сердце мое–о Кирхарешете. |
| 12Моав лыктыса жадьытозяз гурезь йылъёсын йыбыртъяз ке но, вӧсяськон интыяз сюлворыса куриськиз ке но, номыр но солы уз юртты. | 12Хотя и явится Моав, и будет до утомления подвизаться на высотах, и придет к святилищу своему помолиться, но ничто не поможет. |
| 13Та луэ Кузё-Инмарлэн кемалась дырысен Моав сярысь верам кылыз. | 13Вот слово, которое изрек Господь о Моаве издавна. |
| 14Нош али Кузё-Инмар тазьы шуэ: «Медъяськем муртлэн медоын улон нуналъёссэ лыдъямез кадь, куинь ар ортчыса, Моавлэн быдӟымлыкез вань калыкеныз ӵош ултӥямын-покчиятэмын луоз; кылемез калыкез ӧжыт гинэ луоз». | 14Ныне же так говорит Господь: чрез три года, считая годами наемничьими, величие Моава будет унижено со всем великим многолюдством, и остаток будет очень малый и незначительный. |
Глава 16