Библия
Выбрать язык
Книги Ветхого Завета
Книги Нового Завета
с русским текстом
ИСАИЯ ПРОРОКЛЭН КНИГАЕЗ
18-тӥ ЛЮКЕТ
1Куректон-кайгу Эфиопия шуръёс тупалась
бурдъёсын шобыртэм музъемлы.
2Аслэсьтыз посолъёссэ со ыстэ зарезь кузя, ву вылтӥ
папир камышлэсь лэсьтэм пыжъёсын!
Шаплыесь посолъёс, мынэлэ таза, сэзь калык доры!
Со кутсконысеныз туннэ нуналозь кышкыт –
ӝужыт мугоро, ваньзэ пыд улаз лёгась калык;
солэсь музъемзэ шуръёс шормало.
3Ваньды тӥ, дунне вылын улӥсьёс!
Учкелэ, ку гурезьёс йылэ знамя ӝутскоз,
ку гумы куара кылӥськоз, кылзӥськелэ!
4Уго Кузё-Инмар мыным тазьы шуиз:
«Улон юртысеным шыпытак учкисько
нуназе шорысь ӟарыт пӧсь кадь,
аранлэн пӧсь вадесысьтыз пилемысь лысву кадь».
5Виноград бичаны кутскемлэсь азьвыл, солэн сяськаез тӧлӟыса,
пурыосыз кисьманы кутско ке,
Со пуртэн улвайёссэ вандоз, пушъетъёссэ кораса, огазе люкалоз.
6Гурезьысь сьӧсь тылобурдоослы, лудысь пӧйшуръёслы
ваньзэ соосты кельтозы;
тылобурдоос отын гужемзэс ортчытозы,
нош луд пӧйшуръёс отын толзэс потозы.
7Со виын Саваоф Кузё-Инмарлы таза, сэзь, кутсконысеныз туннэ нуналозь кышкыт, ӝужыт мугоро, ваньзэ пыд улаз лёгась калык, кудӥзлэсь музъемзэ шуръёс шормало, – Саваоф Кузё-Инмар доры, Сӥон гурезе, салам-кузьымъёс ваёз.
Глава 18
