Библия
Выбрать язык
Книги Ветхого Завета
Книги Нового Завета
с русским текстом
ИСАИЯ ПРОРОКЛЭН КНИГАЕЗ
20-тӥ ЛЮКЕТ
1Со аре Ассириялэн Саргон эксэезлэн ыстэм муртэз Тартан Азот каре лыктӥз, Азотлы пумит ожмаськиз но сое киултӥз.2Самой со виын ик Амослэн Исаия пиезлы Кузё-Инмар тазьы шуиз: «Мын, кускысьтыд чурыт бышкись дӥсяндэ кыль, кушты пыдысьтыд сандалиостэ». Со озьы ик кариз – дӥсяськытэк, гольык пыд ветлӥз.
3Кузё-Инмар шуиз: «Кызьы Мынам ляльчие Исаия куинь ар ӵоже дӥсяськытэк, гольык пыд ветлӥз Египетэн Эфиопия сярысь азьпалзэ тодытон, возьматон понна, –4озьы Ассириялэн эксэез нуоз Египетысь пленэ сюремъёсты, Эфиопияысь кужмысь келямъёсты – егитъёсты но пересьёсты, дӥсяськытэк, гольык пыд, гольык мугорын – Египетэз возьытэ вуттон понна.5Соку кышкатскозы, возьытэ вуозы Эфиопия пумысен, уго соос солы оскиськыса улӥзы вал; Египет пумысен но, уго соин соос ушъяськыса улӥзы вал.6Со нуналэ та кунын улӥсьёс тазьы шуозы: ”Тӥни кыӵеесь соос, кудъёсыз вылэ ми оскиськиськомы вал, кудъёсызлы юрттэт курыса вазиськылӥськомы вал Ассириялэн эксэезлэсь утиськон понна! Нош кызьы бен табере утиськомы?”»
Глава 20
