Выбрать язык
Книги Ветхого Завета
Книги Нового Завета
с русским текстом1Тир сярысь азьпалзэ тодытыса веран.
Фарсислэн пыжъёсыз, викышъялэ, со куашкатэмын;
коркаос ӧвӧл ни, коркаосы пыраны но нокинлы.
Тазьы соослы Киттим музъемысь ивортэмын вал.
2Шормуӵын улӥсьёс, шып кариське,
зарезь вылтӥ уясь Сӥдонысь вузчиос татчы пачылаз люкасько вал.
3Быдӟымесь вуос кузя отчы Сӥхорысь ю тысь ваё вал –
бадӟым шур дурысь арам юэз,
отын пӧртэм калыкъёслэн вузкарон интызы вал.
4Возьдаськы, Сӥдон, уго тани мар шуэ зарезь, зарезь дурысь изкар:
«Нуны вайыса ӧй курадӟы, нуны ӧй вайы,
егит пиосты ӧй будэты, егит нылъёсты быдэ ӧй вутты».
5Египетын улӥсьёс доры ивор вуиз ке,
Тир сярысь кылэмзы бере соос туж куалектозы.
6Фарсисэ улыны выже, викышъяса бӧрдэ, шормуӵын улӥсьёс!
7Та-а со тӥляд шумпотыса-шулдыръяськыса улӥсь
вашкала аръёсы кылдэм городды?
Пыдъёсыз сое кыдёкысь шаеретӥ костаськыны нуо.
8Кин Тирлы таӵе улон сётӥз,
со венец изьыос сётка вал, купецъёсыз покчи эксэйёс вал,
вузчиосыз музъем выллэн нимо-дано муртъёсыз вал ук?
9Саваоф Кузё-Инмар тазьы лэсьтӥз
котькыӵе вылтӥяськонэз-данъяськонэз ултӥян понна,
дунне вылысь вань нимо-даноосты улӥ карон понна.
10Фарсислэн нылыз, аслад музъем вылтӥд шур кадь ветлы:
табере ӧвӧл ни тыныд могӟет.
11Со Аслэсьтыз кизэ зарезь вылэ вӧлъяз но
эксэйлык кунъёсты зуркатӥз;
Ханаан пумысен Кузё-Инмар косон сётӥз –
солэсь изкаръёссэ куашкатоно,
12Со шуиз: «Сӥдонлэн нылыз, саптаськем нылмурт,
азьланяз тон шумпотыса-шулдыръяськыса уд ни улы!
Султы, мын Киттиме, но отын но тыныд каньыллык уз луы».
13Тани, халдейёслэн музъемзы. Азьвыл та калык ӧй вал; луоё кырын улӥсьёс пӧлысь Ассур солы кутскон сётӥз. Соос асьсэлэсь каланчаоссэс пуктыло, солэсь дворецъёссэ куашкатъяло, туркам-таркам макелы сое пӧрмыто.
14Фарсисысь пыжъёс, викышъяса бӧрдэ!
Уго тӥляд утиськон интыды таркамын.
15Со нуналэ тазьы луоз: Тирез сизьымдон арлы вунэтозы, – одӥг эксэйлэн кивалтон нуналъёсыз мындалы. Нош сизьымдон ар ортчыса, Тирен озьы ик луоз, кызьы калгись кышномурт сярысь кырӟало:
16«Цитра шудонэз кияд кут но город кузя ветлы,
кулэтэм луэм калгись кышномурт!
Чебер шуд, трос кырӟанъёс кырӟа – тонэ тодазы мед ваёзы».
17Соку тазьы луоз: сизьымдон ар ортчем бере Кузё-Инмар Тирез синйылтоз; соку со нош ик аслыз барыш люкаса улыны кутскоз, быдэс дунне вылысь вань музъем выл эксэйлыкъёсын-кунъёсын азыса-калгыса улоз.18Но солэн вузкаронэз, барыш-пайда басьтэмез Кузё-Инмарлы сӥземын луозы; кеносъёсы тырыса тунгонамын уз луэ, уго Кузё-Инмар азьын улӥсьёслы вузкаронлэн барыш-пайдаез люкылӥськоз – кӧтсы тырымон мед сиськозы, дӥськутсы но пӧсьтэмын медаз луы.
Глава 23