Библия
Выбрать язык
Книги Ветхого Завета
Книги Нового Завета
с русским текстом
ИСАИЯ ПРОРОКЛЭН КНИГАЕЗ
39-тӥ ЛЮКЕТ
1Со виын Баладан Меродах, Баладанлэн пиез, со ик Вавилонлэн эксэез, Езекиялы гожтэт, кузьымъёс ыстӥз, кылэм уго солэсь висьыса бурмемзэ.2Ыстэм муртъёслы Езекия шумпотӥз но узырлыксэ возён корказэ возьматӥз, – азвесьсэ но, зарнизэ но, ческыт зыно макеоссэ, дуноесь зыраськон макеоссэ, ожмаськон тӥрлык возён корказэ; ваньзэ, маиз вал узырлык возён интыосаз, юртъераз – одӥг арберизэ но возьматытэк ӧз кельты.
3Исаия пророк, Езекия эксэй доры лыктыса, шуиз: «Мар веразы тыныд та адямиос, кытысь соос тон доры вуизы?» Езекия шуиз: «Кыдёкысь музъемысь соос вуылӥзы, Вавилонысь».4Соку Исаия шуиз: «Тынад коркасьтыд мар соос адӟизы?» Езекия шуиз: «Мар вань мынам коркам, ваньзэ адӟизы, дуно арбериос возён шыкысъёсысьтым одӥг арбериме но возьматытэк ӧй кельты».
5Исаия Езекиялы шуиз: «Кылзы Саваоф Кузё-Инмарлэсь верам кылзэ:6Тани вуозы сыӵе нуналъёс, куке, маид вань тынад коркад, та нуналозь мар люказы тынад атайёсыд, ваньзэ Вавилонэ нуозы; номырид но уз кыльы, – шуэ Кузё-Инмар, –7тон бордысь потоно пиостэ, тынэсьтыд вордӥськоно пиостэ кутозы но Вавилон эксэйлэн юртаз ужась карозы».8Езекия Исаиялы шуиз: «Кузё-Инмарлэсь тынад верам кылыд – ӟечлык, малы ке шуоно каньыллык но ӟеч дыръёс луозы мынам улоно нуналъёсам», – будэтӥз-ватсаз со.
Глава 39
