Выбрать язык
Книги Ветхого Завета
Книги Нового Завета
с русским текстом1Вил пограз, Нево сэрпалтэмын;
вӧлыса лэсьтэм сульдэръёссы пудоос вылэ ошылэмын,
кыткетын ветлӥсь пудо-живот вылэ шедьытъямын;
тӥляд ныпъетты жадем пудоослы секыт йӧтыны кутскиз.
2Соосты сэрпалтӥзы, соос валче усизы;
нуллӥсьёссэс утьыны ӧз быгатэ, асьсэос но пленэ сюризы.
3Анай пушкысеныз кутэм Иаковлэн юртэз,
анай пушкысенызы кутскыса нуллэм Израиль юртлэн кылемъёсыз,
ваньды, кылзэлэ Монэ.
4Пересьмон вапумозяды Мон сыӵе ик луо,
пурысьтатозяды Мон тӥледыз нулло.
Мон кылдытӥ бере, нулло, кутыса, утьыса возё тӥледыз.
5Кинлы Монэ укшатоды, кинэн ӵошатоды,
ог-огмылы укшась мед луомы шуыса,
кинэн артэ пуктоды?
6Пуйыысьтызы зарнизэс кисьто, вес вылын азвесь мертало но азвесен ужась кибашлыез медъяло, солэсь ”инмар” мед лэсьтоз шуыса; йыбыртъяло солы, со азе уськытскыло,7пельпум вылазы ӝутыса сое нуо, интыяз пукто, ас интыысьтыз уг вырӟылы; солы кесясько, со ответ уг сёты, шугадӟонлэсь уг утьы.
8Тае тодады вае но,
асьтэдыз воргоронъёс луиськоды шуыса, возьматэ;
сюлмыныды тае кабыл басьтэ, Инмарлы осконлэсь куштӥськисьёс;
9тодады вае азьвыл, вапумъёслэн кутсконысенызы луэмез,
уго Мон – Инмар, мукетыз Инмар ӧвӧл, Мыным укшасез ӧвӧл.
10Кутсконысеныз ик Мон ивортӥ пумаз мар луон сярысь,
вашкала дауръёсысь верамлэн маиз ӧз на быдэсмы,
сое Мон верасько: Мынам малпанэ быдэсмоз,
мар Мыным кулэ, Мон ваньзэ лэсьто.
11Шундыӝужанысь Мон ӧрӟиез ӧти,
кыдёкысь кунысь Мынэсьтым пуктэмме быдэсъясез чортӥ.
Мон верай ке, сое быдэсто, пусйи ке, лэсьто.
12Кылзэлэ Монэ, чурыт сюлэмоос, шонерлыклы кыдёкын улӥсьёс:
13Аслэсьтым шонерлыкме матэ кари, – со кыдёкын ӧвӧл,
утиськон сётонэ ӝегаса уз улы;
Сӥонлы утиськон сёто, Израильлы Аслэсьтым данме возьмато.
Глава 46