Выбрать язык
Книги Ветхого Завета
Книги Нового Завета
с русским текстом1Тазьы шуэ Кузё-Инмар:
кытын тӥляд анайдэс келям но солы люкиськон сярысь гожтэтэ?
Яке кудӥзлы пунэм тыриселы Мон тӥледыз вузай?
Тани, тӥ сьӧлыкъёсты понна вузамын,
тӥляд йыружъёсты понна анайды уллямын.
2Малы Мон лыктылыку, нокин но ӧй вал;
малы ӧтьыса вазиськылыкум, нокин но ответ ӧз сётылы?
Оло нош мозмытон понна Мынам киы вакчиёмиз,
утён понна оло нош бордысьтым кужыме быриз?
Воже потыку, Мон зарезез куасьтӥсько,
шуръёсты луоё кырлы пӧрмытӥсько;
ву тырмытэк, отын чорыгъёс сисьмо, юэмзы потыса куло.
3Инъёсты Мон пеймытэн шобыртӥсько,
бышкись чурыт дӥсянэз соослы шобрет карисько.
4Инмар Кузё-Инмар Мыным визьлыкоослэсь вераськыны
быгатонлыксэс сётӥз,
катьтэммемез кылын юнматыны мед быгатом шуыса;
дышетскисьёс кадь ик мед кылом шуыса,
котькуд ӵукна Со Монэ сайкатэ, пельме сак каре.
5Инмар Кузё-Инмар Мынэсьтым пельёсме усьтӥз,
Мон ӧй пумитъяськы, берлане ӧй чигна.
6Аслэсьтым сюрлыме жугисьёс кие сётӥ,
бамъёсме чабкылӥсьёс азе пуктӥ;
сантэмакузы, сялакузы ымнырме ӧй ворса.
7Инмар Кузё-Инмар Мыным юрттэ:
соин ик Мон уг возьдаськиськы,
соин ик Мон ымнырме чакма изэз кадь юн возисько,
возьытэ уг кыльы шуыса тодӥсько.
8Монэ Шонере Поттӥсь матын:
кинлэн Монэн нюръяськемез потэ? Ӵош султом.
Кинлэн Монэн судэ пыремез потэ? Мон доры мед лыктоз.
9Тани, Инмар Кузё-Инмар Мыным юрттэ: кин Монэ судить кароз?
Тани, ваньзы соос дӥськут кадь пӧсьтозы; кей соосты коралоз.
10Тӥ пӧлысь кин Кузё-Инмарлэсь кышка,
Солэн Ляльчиезлэсь верамзэ кылзӥське?
Кин югыттэм, пеймыт азьтӥ ветлэ,
Кузё-Инмарлэн нимыз вылэ мед оскиськоз,
Инмарез бордын юнматскыса мед улоз.
11Тани, ваньды тӥ, тыл ӝуатӥсьёс,
ӵушкась пукыӵ ньӧлъёсын ыбылӥсьёс,
мынэлэ гомась тылдылэн пушказ, ӟырдатэм ньӧлъёсты пӧлы!
Курадӟыса кулоды – сое тӥ Мон дорысь басьтоды.
Глава 50