Выбрать язык
Книги Ветхого Завета
Книги Нового Завета
с русским текстом1[Кузё-Инмаре!] Милям тодытэм кылмылы кин оскиз,
Кузё-Инмарлэн кужымез кинлы усьтӥськиз?
2Уго Со Кузё-Инмарлэн азяз пушъет кадь вожектӥз,
кӧс музъемысь вож уд кадь ӝутскиз,
Солэсь тусбуйзэ но, быдӟымлыксэ но ӧм синйылтэ;
ми Сое адӟимы, но Солэн ӧй вал милемыз Ас бордаз
кыскись тусбуез.
3Со синазькыль каремын, сантэмамын вал адямиос азьын,
куректон-кайгу адӟем, висёнъёсты веръям пимурт вал,
Со бордысь ми синъёсмес палэнтылӥмы;
Сое синазькыль карылӥзы, ми но Сое номыр ӵотэ ӧм понылэ.
4Нош Со милесьтым ляблыкъёсмес Ас вылаз басьтӥз,
висёнъёсмес Ас вылаз нуиз;
ми малпамы вал, Сое Инмар погыртэм, вӧсь карем, ултӥям шуыса.
5Милям сьӧлыкъёсмы понна Со яраё-гижлоё каремын вал,
законлы пумит улэммы понна Со курадӟытэмын вал.
Милемлы каньыллык сётон понна вӧсь карон Со вылтӥ ортчиз,
Солэн яраосыз-гижлоосыз пыр ми бурмимы.
6Ми ваньмы ыжъёс кадь йыромыса ветлӥмы,
ваньмы асьмелэн сюрес выламы кожимы, –
нош Кузё-Инмар ваньмылэсь сьӧлыкъёсмес Со вылэ понӥз.
7Сое жугизы-тышказы,
Ачиз мылкыд кариз курадӟон чиданы, кылзэ-ымзэ ӧз усьтылы;
ыж кадь вандыны Со нуэмын вал;
ыж ӵышкись азьысь ыжпи кадь Со куаратэм вал, ымзэ ӧз усьтылы.
8Жильыет улысь, суд улысь Со басьтэмын вал;
нош Солэн выжыез сярысь кин вераны быгатоз?
Со уго улэпъёслэн музъем вылысьтызы палэнтэмын;
калыкелэн йыружъёсыз понна курадӟытыса виемын вал.
9Йырвандӥсьёсын огазе солы шайгу дасязы,
но Со узыр доры ватэмын вал, малы ке шуоно сьӧлык ӧз лэсьты,
Солэн кылаз-ымаз ӧрекчаськон ӧй вал.
10Но Кузё-Инмарлы озьы кулэ вал – погыртыны Сое.
Со курадӟытыны Сое сётӥз;
нош куке Со лулзэ сьӧлыкъёсмы понна курбонлы сётоз,
соку Со кема улӥсь выжыез адӟоз но,
Кузё-Инмарлэн эрикез Солэн киыз пыр азинлыко быдэсъяськоз.
11Ас лулызлэн бадӟым ужез шоры
Со шумпотыса-ракатланыса учкоз;
Сое тодон пыр, Со, Шонер Улӥсь, Мынам Ляльчие,
троссэ шонере поттоз но соослэсь сьӧлыкъёссэс Ас вылаз нуоз.
12Лулзэ виисьёс кие сётэм но
законлы пумит улӥсьёсын оградэ пыртэм понна,
Ас вылаз тросэзлэсь сьӧлыксэс нуэм но
йырвандӥсьёслы дурбасьтӥсь луэмез понна
Мон Солы быдӟымъёсын ӵош люкет сёто,
кужмоосын ӵош шедьтэм ваньбурез люкись каро.
Глава 53