Выбрать язык
Книги Ветхого Завета
Книги Нового Завета
с русским текстом1-2Тынэсьтыд нимдэ тушмонъёсыдлы тодмо карон понна,
э, инъёсты вайясалыд но васькысалыд ке Тон!
Соку ӵыжатӥсь тыл пӧлын кадь, быректӥсь ву пӧлын кадь
Тынад азяд гурезьёс шунасалзы,
Тынад азяд калыкъёс дыр-р! куалекъясалзы.
3Возьмамтэ шорысьтымы туж кышкытэсь ужъёс лэсьтылыкуд,
Тон васькылӥд но, соку Тынад азяд гурезьёс шуналлязы.
4Вапумъёс кутсконысен ӧм кылылэ, пелямы ӧз пыры,
нокыӵе но син ӧз адӟылы мукетсэ инмарез, Тонэ сяна,
Кин Ас вылаз оскиськисьёс понна сомында мед лэсьтысал.
5Тон гажаса-жаляса пумиталляд шумпотӥсез,
шонерлыко уж лэсьтӥсез,
улыны сётэм сюрес вылъёсад Тонэ сюлмаз возисез.
Но тани, Тон вождэ поттӥд,
малы ке шуоно ми кемалась дырысен сьӧлыкаса улӥмы ни,
кызьы бен табере ми утемын луомы?
6Ваньмы асьмеос кырсь макеослы пӧрмимы ни,
асьмелэн вань шонерлыкмы – саптаськем дӥськут кадь;
ваньмы асьмеос куар кадь шуямы-бызырмимы,
законлы пумит улэмъёсмы асьмеды тӧл кадь нуыса кошко.
7Ӧвӧл ни Тынад нимыдлы вазиськись,
Тон борды юн кутӥськыса улыны мылкыд карись,
соин ик Тон милесьтым ымнырдэ ватӥд,
законлы пумит улэмъёсмы пӧлы кулыны милемды кельтӥд.
8Нош али, Кузё-Инмаре, Тон – милям Атаймы,
ми – горд сюй, нош Тон – милям Лэсьтӥсьмы-Кылдытӥсьмы,
ваньмы ми – Тынад киыдлэн пӧрмытэм ужез.
9Пумтэм трос вождэ эн вайы, Кузё-Инмаре,
пумтэм вапумъёс ӵоже законлы пумит улэммес тодад эн возьы.
Учкы ук: ми ваньмы Тынад калыкед.
10Тынад святой городъёсыд кыр дуннелы пӧрмизы;
Сӥон кыр дуннелы пӧрмиз;
Иерусалим куашкатэмын-таркамын.
11Милям атайёсмылэн Тонэ данъяса улэм вӧсяськон коркамы,
данлыкмылэн коркаез, тылын сутэмын,
вань дуно арбериосмы лушкамын-таркамын.
12Табере но, Кузё-Инмаре, номыр карытэк, чус улод на-а,
чидантэм вӧсь карыса возёд на-а милемыз?
Глава 64