Выбрать язык
Книги Ветхого Завета
Книги Нового Завета
с русским текстом1Тазьы шуиз Кузё-Инмар: «Мын, горшок лэсьтӥсьлэсь горд сюйлэсь лэсьтэм ву возёнзэ басьты; сьӧрад калык пӧлысь пересь визьнодчиосты, священникъёслэсь кивалтӥсьёссэс кут но2Харшиф капка вӧзысь Енном пиослэн нёжалазы пот, отысен тыныд верамме иворты,3шу: ”Иудей эксэйёс, Иерусалимын улӥсьёс, Кузё-Инмарлэсь верам кылзэ кылзӥське! Тазьы шуэ Израильлэн Инмарез, Саваоф Кузё-Инмар: тани, та интые Мон шугадӟон лэзё, – со сярысь кылӥсь муртлэн пельыз жонгетоз, –4Монэ кельтэмзы понна, та интыез саптамзы но отын мукет инмаръёслы ӵындытэмзы понна, кудъёссэ асьсэос но, атайёссы но, Иудей эксэйёс но уг тодо вал; та интыез янгыштэм адямиослэн вирынызы тырмытӥзы.5Асьсэлэсь нылпиоссэс Вааллы тылын сутыса курбон сётон понна, Вааллы сӥзьыса, ӝужыт интыос лэсьтӥзы, – со ужез лэсьтыны Мон ӧй косы, малпанам но со ӧй вал.
6Со понна ик, тани, вуо нуналъёс, – шуэ Кузё-Инмар, – куке та интыез Тофет, Енном пиослэн нёжалзы шуыса уз ни нималэ, ”Виылон нёжал” шуыса нималозы.7Та интыын Иудеялэсь но Иерусалимлэсь кенешсэс быдто, тушмонъёссылэн азязы соослэсь лулзэс утчасьёслэн киынызы соосты мечен пыргыто; шӧйёссэс ин тылобурдоослы, музъем выл пӧйшуръёслы сиыны сёто.8Та городэз кышкатон интылы, серекъян-веранлы пӧрмыто; котькудӥз со пыр ортчись абдралоз но солэн вань яраосыз-гижлоосыз шоры учкыса шулалоз.9Соосты пиоссылэн, нылъёссылэн мугорынызы сюдо; котыртэм пушкын ёртэм азьын улоно луыкуз, тушмонъёссы ӝикатыса, лулзэс утчаса улыку, ог-огзэс сиёзы”.
10Тонэн ӵош лыктэм воргоронъёслэн син азязы со кувшинэз сӧр.11Соослы шу: ”Тазьы шуэ Саваоф Кузё-Инмар: горшок лэсьтӥсьлэсь горшоксэ пыргытэм кадь, тазьы Мон пыргыто та калыкез, та городэз, со выльдыны-тупатыны ярамон уз ни луы; кулэм муртъёсты ватылыны инты тырмымтэен сэрен соосты Тофетэ ватылозы.12Та интылы, отын улӥсьёсызлы но тазьы каро, – шуэ Кузё-Инмар, – та городэз Тофетлы укшась каро.13Иерусалимысь коркаос, Иудей эксэйёслэн коркаоссы Тофет инты кадесь жобесь-кырсесь луозы, – малы ке шуоно вань коркаослэн липет йылъёсазы инмысь кизилиослы фимиам ӵындыто но мурт инмаръёслы курбон-салам кисьто”».
14Тофетысь Иеремия вуиз, отчы сое Кузё-Инмар азьпалзэ тодытыса вераны ыстылӥз вал, вуэм бераз со Кузё-Инмарлэн юртэзлэн азбараз султӥз но вань калыклы шуиз:15«Тазьы шуэ Израильлэн Инмарез Саваоф Кузё-Инмар: ”Та город вылэ, солэн быдэс ёросаз со сӥзем шугадӟонэз ысто, малы ке шуоно соос – чурыт сюлэмоос, Мынэсьтым верам кылъёсме санэ уг поно”».
Глава 19