Выбрать язык
Книги Ветхого Завета
Книги Нового Завета
с русским текстом1Кузё-Инмар мыным возьматӥз: тани, Кузё-Инмарлэн храмез азе смокваен кык корзина пуктэмын, – Вавилонлэн эксэез Навуходоносор Иерусалимысь Иудеялэсь эксэйзэ Иехонияез, Иоакимлэсь пизэ, Иудеяысь кивалтӥсьёсты, лэсьтӥськисьёсты, дуриськисьёсты пленэ кутэм но соосты Вавилонэ вуттэм бере вал та.2Одӥгез корзина туж умоесь, вазь вуись смокваосын тырмытэмын, нош мукетыз корзина уродос смокваосын тырмытэмын, соос сиыны ярамонэсь ик ӧй вал.3Кузё-Инмар мыным шуиз: «Иеремия, мае тон адӟиськод?» Мон шуи: «Смокваосты, умойёсыз смокваос – укыр умоесь, нош уродъёсыз – укыр уродэсь, соосты сиыны ик уг луы – туж умойтэмесь».
4Кузё-Инмар дорысь мыным верамын вал:5«Тазьы шуэ Израильлэн Инмарез Кузё-Инмар: та умоесь смокваосты выллем та интыысь Халдей музъеме Мынэсьтым ыстэм Иудеяысь улыны выжемъёсты умоесь шуыса Мон лыдъяло;6соослы ӟеч карон понна соос пала Аслэсьтым синъёсме берыкто но берен та музъем вылэ улыны ваё, отчы интыяло, уг пазя-тарка, выжыяськыто, выжытэм уг быдты;7соослы сюлэм сёто, Мон Кузё-Инмар луисько шуыса, Монэ мед тодозы; соос Мынам калыке луозы, нош Мон соослэн Инмарзы луо; уго соос вань сюлмынызы Мон пала берытскозы».
8Нош уродос, сиыны ярантэм смокваос пумысен тазьы шуэ Кузё-Инмар: «Та выллем каро Иудеялэсь Седекия эксэйзэ, солэсь кивалтӥсьёссэ, Иерусалимысь мукет улӥсьёсты – та музъем вылэ улыны кылемъёсты, Египет музъеме улыны интыяськемъёсты.9Музъем вылысь вань эксэйлыкъёсын соосты синазькыль карыса, туж курадӟытыса возён киулэ Мон сёто; вань уллям интыосам соос тышкаськон, мадён-веран, серем карон, карган улэ сюрозы.10Соослы, соослэн атайёссылы сётэм музъем вылысьтым быдтытозям, соос вылэ тӥр-пурт, сютэм улон, сьӧдчер лэзё».
Глава 24