Выбрать язык
Книги Ветхого Завета
Книги Нового Завета
с русским текстом1Иудей эксэйлэн, Иосиялэн Иоаким*а пиезлэн, эксэй луонэзлэн кутсконаз Кузё-Инмар дорысь Иеремиялы таӵе кылъёс верамын вал:2тазьы мыным Кузё-Инмар шуиз: «Аслыд жильыет, сиес лэсьты но чыртыяд пон;3Иерусалиме, Иудеялэн эксэез Седекия доры лыктэмъёс пыр таӵе жильыетъёс, сиесъёс ик ысты Идумей эксэйлы, Моав эксэйлы, Аммон пиослэн эксэйзылы, Тирлэн эксэезлы, Сӥдонлэн эксэезлы.4Соосты кузё-эксэйёссылы вераны кос: ”Тазьы шуэ Израильлэн Инмарез Саваоф Кузё-Инмар: тазьы вералэ асьтэлэн кузё-эксэйёстылы:5”Быдӟым кужыменым, суйме вӧлъяса, Мон музъемез, адямиез, музъем вылысь пудо-животъёсты кылдытӥ, но кинлы Мынам музъемез сётэме потэ вал, солы сётӥ.6Али Мон ваньзэ та музъемъёсты Аслам ляльчиелэн Вавилон эксэйлэн, Навуходоносорлэн, кияз сётӥсько, луд вылысь пӧйшуръёсты гинэ но солы ужаны-тыршыны сётӥсько.7Вань калыкъёс солы, солэн пиезлы но, солэн пиезлэн пиезлы но, солэн музъемезлы но, солы аслыз но дыр вуытозь ужаса-тыршыса улозы; трос калыкъёс, быдӟымесь эксэйёс солы ужаса-тыршыса улозы.8Кыӵе ке калык яке эксэйлык солы, Навуходоносорлы, Вавилонлэн эксэезлы, тэрытскыса ужаны ӧз ке малпа, аслэсьтыз чыртызэ Вавилон эксэйлэн сиес улаз ӧз ке мыкырты, со калыкез Мон мечен вӧсь каро, сютэм улонэн, сьӧдчерен – солэн киыныз соосты быдтытозям курадӟыто, – шуэ Кузё-Инмар.9Тӥ эн кылзӥське ”Вавилон эксэйлы служить кароно уд луэ” шуись пророкъёстылэсь, туно-пеллёостылэсь, уйвӧт тунасьёстылэсь, син пӧртмасьёстылэсь, кизилиосъя тунаськисьёстылэсь.10Соослэсь ӧрекчи азьпал тодытонъёс верамзэс кылзӥды ке, асьтэ музъем вылысь Мон тӥледыз улляло но, тӥ кулоды.11Аслэсьтыз чыртызэ Вавилон эксэйлэн сиес улаз мыкыртӥсь но солы ужаса-тыршыса улӥсь калыкез Мон ас музъем вылаз кельто, – шуэ Кузё-Инмар, – сое утялтыса, емыш будэтыса, отын со улоз”».12Иудеялэн Седекия эксэезлы но мон вань та кылъёсты верай но шуи: «Асьтэлэсь чыртыдэс Вавилон эксэйлэн сиес улаз мыкыртэ, солы но, солэн калыкезлы но ужаса-тыршыса улэ – улэп кылёды.13Малы тыныд, тынад калыкедлы но меч улын, сютэм улыса, сьӧдчерлэсь кулыны кулэ, кызьы Кузё-Инмар Вавилон эксэйлы ужатэк-тыршытэк улӥсь калык сярысь шуиз?14”Вавилон эксэйлы служить кароно уд луэ” шуыса верась пророкъёслэсь верамзэс эн кылзэ, уго соос тӥледлы ӧрекчаськыса азьпалзэ тодыто.15Мон соосты ӧй ыстылы, – шуэ Кузё-Инмар, – соос Мынам нимыным ӧрекчаськыса азьпалзэ тодыто, Мон тӥледыз мед уллялом, тӥ но, тӥледлы азьпалзэ тодытыса верась пророкъёсты но мед кулозы-бырозы шуыса».16Священникъёслы но, вань калыклы но мон вералляй: «Тазьы шуэ Кузё-Инмар: азьпалзэ тодытыса верась пророкъёстылэсь верам кылзэс пеляды эн понэ, соос шуо: ”Тани, ӝоген Кузё-Инмарлэн сосудъёсыз Вавилонысь берыктэмын луозы”. Соос тӥледлы ӧрекчаськыса азьпалзэ тодыто.17Эн кылзэ соосты, улэ но Вавилон эксэйлы служить каре; малы та городэз куашкатон дорозь вуттыны кулэ?18Нош соос пророкъёс ке, соос бордын Кузё-Инмарлэн кылыз вань ке, Кузё-Инмарлэн корказ, Иудей эксэйлэн корказ, Иерусалиме кылем сосудъёс Вавилонэ медаз выже шуыса, Саваоф Кузё-Инмар азьын мед куриськозы.19Уго тазьы шуэ Саваоф Кузё-Инмар юбоос сярысь, ыргон зарезь сярысь, ул пуктэтъёс сярысь но та городэ кылем мукет макеос сярысь.20Соосты Навуходоносор, Вавилонлэн эксэез, ӧз басьты, куке со Иоакимлэсь Иехония пизэ, Иудеялэсь эксэйзэ, вань нимо-дано иудей муртъёсты но Иерусалимын улӥсьёсты Иерусалимысь Вавилонэ поттӥз,21уго Израильлэн Инмарез Саваоф Кузё-Инмар Кузё-Инмарлэн корказ, Иудей эксэйлэн корказ, Иерусалиме кылем сосудъёс сярысь тазьы шуэ:22”Соосты Вавилонэ нуозы, соос доры лыктон нуналозям соос отын улозы, – шуэ Кузё-Инмар, – собере потто но берен та интые ик соосты ваё”».
*а 27:1 Иоаким – мукет нимыз: Седекия
Глава 27