Выбрать язык
Книги Ветхого Завета
Книги Нового Завета
с русским текстом1Со аре ик – Иудей эксэй луонэзлэн Седекиялэн эксэе пуксёнэзлэн кутсконаз – ньылетӥ араз, витетӥ толэзе, Азурлэн Анания пиез, Гаваонысь пророк, Кузё-Инмарлэн коркасеныз священникъёслэн но, вань калыклэн но син азязы мыным вераз, со шуиз:2«Тазьы шуэ Израильлэн Инмарез Саваоф Кузё-Инмар: Вавилон эксэйлэсь сиессэ сузмыто;3Вавилонлэн Навуходоносор эксэезлэн та интыысь – Кузё-Инмарлэн коркасьтыз – басьтыса, Вавилонэ нуэм вань сосудъёсты, кык ар ортчыса, ваньзэ та интые ик Мон берыкто.4Иудей эксэез, Иоакимлэсь пизэ Иехонияез, пленэ нуэм вань иудейёсты – Вавилонэ вуттэмъёсты, та интые Мон берыкто, – шуэ Кузё-Инмар, – Вавилон эксэйлэсь сиессэ сузмыто».
5Кузё-Инмарлэн корказ сылӥсь священникъёслэн, вань калыклэн син азязы Иеремия пророк Анания пророклы вераз, –6Иеремия пророк шуиз: «Тазьы мед луоз, Кузё-Инмар тае мед лэсьтоз! Кузё-Инмарлэн коркасьтыз сосудъёслэн, вань пленэ нуэмъёслэн Вавилонысь та интые берытсконзы пумысен тынэсьтыд верам кылъёстэ Кузё-Инмар мед быдэстоз!7Тыныд но, вань калыклы но кылӥськымон бадӟым куараен верам кылме кылзы:8пророкъёс, кудъёсыз мынэсьтым но азьло, тынэсьтыд но азьло, кемаласен вал ини, трос музъемъёслы, туж бадӟымесь кунъёслы-эксэйёслы азьпалзэ тодытыса веразы, ожмаськонъёс, шугадӟонъёс, урод черъёс луозы шуыса.9Кыӵе ке пророк тупаса улон сярысь азьпалзэ тодытыса вералляз ке, таӵе учыръёсы гинэ со зэмзэ ик Кузё-Инмарлэн ыстэм пророкез шуыса лыдъяське вал: та пророклэн верам кылыз быдэсмылӥз ке».10Соку Анания пророк Иеремия пророклэн чыртыысьтыз сиесэз басьтӥз но сузмытӥз сое.11Вань калыклэн син азяз Анания та кылъёсты вераз: «Тазьы шуэ Кузё-Инмар: кык ар бере Вавилон эксэйлэсь, Навуходоносорлэсь, сиессэ, вань калыкъёслэн чыртыысьтызы басьто но тазьы сузмыто». Собере Иеремия ас сюрес кузяз кошкиз.
12Анания пророк Иеремия пророклэн чыртыысьтыз сиесэз сузмытэм бере Иеремиялы Кузё-Инмар дорысь тазьы верамын вал:13«Мын, Ананиялы вера: ”Тазьы шуэ Кузё-Инмар: тон пу сиесэз сузмытӥд – со интые корт сиес лэсьтод.14Уго Израильлэн Инмарез Саваоф Кузё-Инмар тазьы шуэ: вань та калыкъёслэн чыртыязы корт сиес поно, Вавилон эксэйлы Навуходоносорлы мед ужалозы шуыса, солы ужаса-тыршыса улозы, луд вылысь пӧйшуръёсты гинэ но Мон со киулэ сётӥ”». DefaultSession.plist
15Иеремия пророк Анания пророклы шуиз: «Кылзы, Анания: Кузё-Инмар тонэ ӧз ысты, та калыкез тон шонертэм буйгатӥськод.16Соин ик тазьы шуэ Кузё-Инмар: ”Тани, Мон тонэ музъемлэн ымныр вылысьтыз сэрпалто; та арын ик тон кулод, малы ке шуоно тон Кузё-Инмарлэсь кылзӥськытэк вералляд”».17Анания пророк со аре ик, сизьыметӥ толэзе, кулӥз.
Глава 28