Выбрать язык
Книги Ветхого Завета
Книги Нового Завета
с русским текстом1Иудей эксэйлэн Иосиялэн пиезлэн Иоакимлэн эксэйын пукон нуналъёсаз Кузё-Инмар дорысь Иеремиялы верамын вал:2«Рехавъёслэн юртазы мыныса, соосын вераськы, соосты Кузё-Инмарлэн юртаз вай но, одӥгаз бӧльмые пыртыса, соослы юыны вина сёт».3Мон басьтӥ Авациниялэн Иеремия пиезлэсь Иазания пизэ, солэсь агай-вынъёссэ, солэсь вань пиоссэ, быдэссэ Рехав выжыез,4соосты Кузё-Инмарлэн юртаз вайи, Инмар адямилэн Годолиялэн Анан пиезлэн пиосызлэн бӧльмыязы пыртӥ, кудӥз интыяськемын кивалтӥсьёслэн бӧльмы вӧзазы Селлум пилэн Маасеялэн, пырон дорын возьмаськисьлэн, бӧльмы йылаз;5Рехав выжыысь пиослэн азязы пачыл сюмыкен, стаканъёсын вина пуктӥ но соослы шуи: «Вина юэ».
6Нош соос шуизы: «Ми вина ум юиське, малы ке шуоно милям атаймы, Рехавлэн пиез Ионадав, милемлы таӵе сӥзён-косон сётыса шуиз: ”Пумтэм вапумъёс ӵоже тӥ но, тӥляд нылпиосты но вина медад юэ;7коркаос эн пуктылэ, кидыс эн кизе, виноград эн мерттэ, соос тӥляд медаз луэ, нош вань улон ӵожады балаганъёсын улэ – пыдйылчиос луыса улоно музъем вылын кема улыны мед быгатоды”.8Атаймылэсь, Рехавлэн Ионадав пиезлэсь, вань улытозямы вина медам юэ шуыса сӥзьыса веранзэ ми асьмеос но, милям кышноосмы но, пиосмы но, нылъёсмы но санэ понӥмы:9улыны-вылыны юртъер медам пуктылэ; милям виноград бакчаосмы но, бусыосмы но, кизем юосмы но ӧвӧл;10нош улӥськомы балаганъёсын, кылзӥськомы но ваньзэ лэсьтӥськомы озьы, кызьы сӥзиз-косӥз милям Ионадав атаймы.11Нош та музъем вылэ Вавилон эксэй Навуходоносор вуэм бере ми шуимы: ”Ойдолэ, Иерусалиме кошкоме, халдейёслэн ожмаськись муртъёссылэсь, арамейёслэн ожмаськись муртъёссылэсь палэнскоме,” – тани, табере ми Иерусалимын улӥськомы».
12Кузё-Инмар дорысь Иеремиялы тазьы верамын вал:13«Тазьы шуэ Израильлэн Инмарез Саваоф Кузё-Инмар: Иудеяысь воргоронъёслы, Иерусалимын улӥсьёслы мыныса вера: Мынэсьтым верам кылъёсме санэ понон понна, та визь-нод сётэм пӧлысь асьтэлы номырзэ но кабыл уд басьтэ шат? – шуэ Кузё-Инмар.14Рехавлэн пиезлэн Ионадавлэн ас пиосызлы вина медаз юэ шуыса сӥзьыса верам кылыз быдэсме, – соос туннэ нуналозь но вина уг юо, малы ке шуоно соос атайзылэсь сӥзён-косонзэ санэ поныса уло; нош Мон дугдылытэк тӥледлы вералляй, вазь ӵукнаысен кутскыса вералляй, нош тӥ Монэ ӧд кылзӥське.15Тӥ доры Мон Аслэсьтым вань ляльчиосме, пророкъёсты, ыстылӥ, вазь ӵукнаысен ик ыстыса шуылӥ: ваньды урод сюресты вылысь коже, тупатэ асьтэлэсь сямъёстэс, мурт инмаръёслэн сюрес кузязы эн ветлэ, соослы эн йыбыртъялэ, соку тӥ тӥледлы, тӥляд атайёстылы сётэм музъем вылын улоды, нош тӥ пельёстэс ӧд мыкыртэ, Монэ ӧд кылзӥське.16Рехавлэн Ионадав пиезлэн пиосыз атайзылэсь соослы сӥзем курон-косонзэ быдэсъяло бере, нош та калык Монэ уг кылзӥськы,17соин ик тазьы шуэ Израильлэн Инмарез Саваоф Инмар Кузё-Инмар: тани, Мон Иудея вылэ, Иерусалимын вань улӥсьёс вылэ сӥзем вань со уродэз-лекез лэзё, малы ке шуоно Мон соослы верай, нош соос ӧз кылзӥськылэ, соосты ӧтьылӥ, нош соос чус улӥзы».
18Нош Рехав выжылы Иеремия шуиз: «Тазьы шуэ Израильлэн Инмарез Саваоф Кузё-Инмар: Ионадав атайдылэсь сӥзёнзэ кабыл басьтэмды понна, солэсь вань сӥзён-косонъёссэ утемды понна, солэн курем-косэмезъя улэм-вылэмды понна, –19со понна, – шуэ Израильлэн Инмарез Саваоф Кузё-Инмар, – Рехавлэн Ионадав пиезлэн выжыысьтыз воргоронъёс Мынам син азям вань нуналъёс ӵоже сылозы».
Глава 35