Выбрать язык
Книги Ветхого Завета
Книги Нового Завета
с русским текстом1Иоакимлэн Иехония пиез интыын эксэйын пукиз Иосиялэн Седекия пиез, сое Вавилонлэн эксэез Навуходоносор Иудей музъемлы эксэй карыса пуктӥз.2Со но, солэн медоосыз но, та кунысь калык но Кузё-Инмарлэсь Иеремия пророк пыр верам кылъёссэ пелязы ӧз понэ.
3Селемиялэсь пизэ Иегухалэз но Маасеялэсь Софония пизэ, священникез, Седекия эксэй Иеремия пророк доры тазьы вераны ыстӥз: «Инмармылы Кузё-Инмарлы ми понна вӧсяськы».4Соку Иеремия калык пӧлтӥ эркынак пыре но потэ на вал, малы ке шуоно сое пытсэт корка ӧз на ворсалэ на вал.5Со вакытэ фараонлэн армиез Египетысь потӥз, Иерусалимез котыртэм-ёртэм халдейёс но, со иворез кылыса, Иерусалим котырысь чигназы.
6Иеремия пророклы Кузё-Инмар дорысь верамын вал:7«Тазьы шуэ Израильлэн Инмарез Кузё-Инмар: тӥледыз Мон доры Мынэсьтым визь-кенеш курыны ыстэм Иудей эксэйлы тазьы шуэ: ”Тани, асьмелы юрттӥськыны лыктӥсь фараонлэн армиез берен аслаз Египет музъемаз кошкоз.8Нош халдейёс выльысен лыктозы но городлы пумит ожмаськозы, киултозы, тылын сутозы сое”.9Тазьы шуэ Кузё-Инмар: асьтэдыз пӧяса тазьы эн шуэ: ”Асьме дорысь халдейёс одно ик чигналозы”; но соос уз чигналэ.10Халдейёслэсь тӥледлы пумит ожмаськись армизэс тӥ быдэсак пазьгысалды ке но, соослэн сӧсырмем муртъёссы гинэ кыльысалзы на ке но, соку соос котькудӥз аслаз балаганысьтыз султысал но та городэз тылын сутысал».
11Фараонлэн армиеныз сэрен халдейёслэн армизы Иерусалим котырысь чигнан вакытэ12Вениамин музъеме мынон вылысь, отысь калык пушкы ватӥськыса, Иеремия Иерусалимысь кошкиз.13Нош со Вениамин капка азе вуэм бере отысь возьмаськисьёслэн кузёйырзы Иреия, Ананиялэн Селемия пиезлэн пиез, Иеремия пророкез ӝегатыса шуиз: «Тон халдейёс доры пегӟыса потыны ӧдъяськод-а?»14Иеремия шуиз: «Та – ӧрекчаськон, халдейёс доры пегӟыса выжыны уг ӧдъяськы». Нош Иреия ӧз кылзы сое, Иеремияез кутӥз но кивалтӥсьёс доры вайиз.15Кивалтӥсьёс Иеремиялы вожзэс поттыса жугизы сое, подъясь Ионафанлэн корказ пытсэтэ ворсазы, малы ке шуоно сое пытсэтлы пӧрмытӥзы.16Иеремия пытсэтэ, мурӝолэ, пырем бере отын со трос нуналъёс улӥз, –17Седекия эксэй сое отысь басьтытӥз. Эксэй аслаз корказ солэсь лушкемен юалляськиз но шуиз: «Кузё-Инмар дорысь кыл-ивор ӧвӧл-а?» Иеремия шуиз: «Вань. Тон Вавилон эксэйлэн киулаз сётэмын луод», шуиз.18Седекия эксэйлы Иеремия шуиз: «Маин мон тон азьын, тынад медоосыд азьын, та калык азьын сьӧлыкай, – малы монэ пытсэтэ пуктӥды?19Кытын тӥляд ”Вавилон эксэй тӥледлы пумит, та музъемлы пумит уз мыны” шуыса азьпалзэ тодытӥсь пророкъёсты?20Али но кылзы, эксэе, кузёе мынам, куронэ тон доры мед вуоз; Ионафан подъясьлэн корказ мон медам кулы вал шуыса, отчы эн ни нуы монэ».
21Седекия эксэй косон сётӥз: Иеремияез возьмаськисьёслэн азбаразы мед пытсалозы но нянь пыжисьёслэн ульчаысенызы солы нуналлы быдэ одӥг шорем нянь мед сётозы, – городысь нянь бырытозь озьы вал. Озьы Иеремия возьмаськисьёслэн азбаразы кылиз.
Глава 37