Библия
Выбрать язык
Книги Ветхого Завета
Книги Нового Завета
с русским текстом
ИЕРЕМИЯ ПРОРОКЛЭН КНИГАЕЗ
45-тӥ ЛЮКЕТ
1Иеремия пророклэн ымысьтыз потэм кылъёссэ Нириялэн Варух пиез книгае гожтӥз, со вал Иудей эксэйлэн, Иосиялэн Иоаким пиезлэн, эксэйын пуконэзлэн ньылетӥ араз, тани со кылъёс:
2«Тыныд, Варух, Израильлэн Инмарез Кузё-Инмар тазьы шуэ:3тон шуиськод: ”Куректон-кайгу мыным! Кузё-Инмар висёнэ вӧзы куректон ватсаз; лулӟиськылыса улэменым, мон катьтэмми ни, каньыллык уг шедьтӥськы”.4Тон солы шу: ”Тазьы шуэ Кузё-Инмар: тани, мар Мон лэсьтӥ-пуктӥ, сое куашкато, мар мерттӥ, сое выжытэм быдто, – быдэссэ та музъемез озьы каро.5Нош тон аслыд быдӟымзэ куриськод: эн куры; уго тани, вань улэп макеос вылэ шугадӟон лэзё, – шуэ Кузё-Инмар, – нош тыныд ожысь байлык-люкет басьтон интые, лулдэ быдэс кельто, кытчы гинэ уд мыны, вань интыосын улэп кылёд”».
Глава 45
