Библия
Выбрать язык
Книги Ветхого Завета
Книги Нового Завета
с русским текстом
ИЕРЕМИЯ ПРОРОКЛЭН КНИГАЕЗ
47-тӥ ЛЮКЕТ
1Кузё-Инмарлэн Иеремия пророклы филистим калык пумысен верамез, со вал фараонлэн Газаез куашкатэмезлэсь азьвыл.
2«Тазьы шуэ Кузё-Инмар: тани, уйпалась вуос ӝутӥсько,
соос ӧръяськыса кошкись вулы пӧрмозы но
музъем вылысь ваньзэ вуэн ӝокатозы,
городэз но, отын улӥсьёсты но;
соку адямиос куараен кесяськозы,
та шаерын-кунын вань улӥсьёс викышъяса зар бӧрдозы.
3Солэн кужмо валъёсызлэн пыдъёсызлэн юн топкетэмысьтызы,
ожмаськон уробоослэн йыггетэменызы,
поглянъёсызлэн куаразылы луыса атайёс нылпиоссы шоры уз учке,
малы ке шуоно соослэн суйзы-пыдзы юскиськоз
4вань филистим калыкез быдтыны,
Тирлэсь но Сӥдонлэсь ваньзэ кылем юрттӥськисьёссэ таланы
лыктон нуналэ,
уго Кузё-Инмар филистим калыкез,
Кафтор шормуӵлэсь кылем люкетсэ, таркалоз.
5Пилеш кылиз Газа,
Аскалон, нёжалзылэн кылем люкетэз кулэ-быре ини.
6Э, Кузё-Инмарлэн мечез, кытчыозь коралод на!
Кытчыозь тон уд буйгатскы на?
Меч тырон пуртэсад берытскыса дугды, буйгатскы.
7Кызьы тон буйгатскод, куке Кузё-Инмар
Аскалонлы, зарезь ярдурлы пумит мыныны косӥз?
Мечсэ Со отчы ыстӥз».
Глава 47
