Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Библия»содержание1-я книга Моисеева. Бытие2-я книга Моисеева. Исход3-я книга Моисеева. Левит4-я книга Моисеева. Числа5-я книга Моисеева. ВторозакониеИисус НавинСудьиРуфь1-я Книга Царств2-я книга Царств 3-я книга Царств4-я книга Царств1-я Паралипоменон2-я ПаралипоменонЕздраНеемияЕсфирьИовПсалтирьПритчиЕкклесиастПесня ПеснейИсаияИеремияПлач ИеремииИезекиильДаниилОсияИоильАмосАвдияИонаМихейНаумАввакумСофонияАггейЗахарияМалахия

Книги Нового Завета Выбрать книгупро «Библия»содержаниеот Матфеяот Маркаот Лукиот ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудак Римлянам1-е Коринфянам2-е Коринфянамк Галатамк Ефесянамк Филиппийцамк Колоссянам1-е Фессалоникийцам2-е Фессалоникийцам1-е Тимофею2-е Тимофеюк Титук Филимонук ЕвреямОткровениесловари

ИЕЗЕКИИЛЬ ПРОРОКЛЭН КНИГАЕЗ

6-тӥ ЛЮКЕТ

1Кузё-Инмар дорысь мыным верамын вал:2«Адямилэн пиез! Ымнырдэ Израиль гурезьёс пала берыкты но соослы пумит азьпалзэ тодытыса вера,3тазьы шу: ”Израиль гурезьёс! Инмарлэсь Кузё-Инмарлэсь верамзэ кылзэ. Инмар Кузё-Инмар гурезьёслы но вырйылъёслы, нёжалъёслы но куасьмем ву ӧръёслы тазьы шуэ: тани, Мон тӥ вылэ меч урдо но тӥлесьтыд гурезь йылъёсысь вӧсяськон интыостэс куашкато;4курбон тырон интыосты таркамын луозы, шундылы сӥзьыса пуктылэм юбоосты тӥямын луозы, кулэм муртъёстэс сульдэръёсты-идолъёсты азе куяло;5израиль пиослэсь шӧйёссэс сульдэръёссы азе поно, курбон тыронъёсты котыре лыостэс куяло.6Вань улон интыосады городъёсты таркамын луозы, гурезь йылъёсысь вӧсяськон интыосты куашкатэмын луозы: курбон тырон интыосты таркамын, куашкатэмын мед луозы, сульдэръёсты погыртэмын, быдтэмын мед луозы, шундылы сӥзем юбоосты куашкатэмын-тӥямын мед луозы, вань лэсьтэм ужъёсты мед бырозы.7Тӥ пӧлысь адямиостэс виылозы, соку тӥ тододы, Мон – Кузё-Инмар.

8Но оглюкетсэ Мон улэп кельто, калыкъёс пушкын тӥляд меч улэ сюрытэк кылемъёсты луозы, соку тӥледыз улыны пӧртэм музъемъёс вылэ пазьгытыса лэзёзы.9Пленэ нуэм беразы, мурт калыкъёс пушкын улыса, тӥляд улэп кылемъёсты Монэ тодазы ваёзы, Мынэсьтым куштӥськыса, азыса-калгыса улӥсьёсты, синъёссэс сульдэръёс-идолъёс пала берыкъясьёсты чигиськыны-ӧпкельыны ваё; вань урод-лек, юрӟым ужъёс лэсьтылэмзы понна соос асьсэзыз асьсэос адӟонтэм карыны кутскозы;10соос тодозы, Мон – Кузё-Инмар; юнме шорысь Мон ӧй вералля, соос вылэ таӵе шугадӟон лэзё шуыса”.

11Тазьы шуэ Инмар Кузё-Инмар: киостэ вайяса чабкы, пыдъёсыныд шарк! лёгыса шу: ”Вань юрӟым лек ужъёсыз понна израиль калыклы куректон-кайгу луоз!” Меч улэ усьыса, сютэм улыса но урод черъёсын висьыса, соос кулылозы.12Кин кыдёкын, со урод черен кулоз, нош кин матын, со меч улэ усёз; нош быдэс, улэп кылемъёсыз сютэм улыса кулозы; озьы Аслэсьтым вожпотонме соослы возьмато.13Виылэмъёс курбон тыронзы котырын сульдэръёссы вискын кыллёзы, котькудаз ӝужыт вырйылын, вань гурезь йылъёсын, вань вожектӥсь писпуос улын, вань паськыт ваё тыпыос улын, – кытын гинэ соос сульдэръёссылы ческыт зыно ӵындытон ортчытъязы. Соку тӥ тододы, Мон – Кузё-Инмар.14Соос вылэ киме урдо но, Дивлаф луоё кыр дуннеысен кутскыса, вань улон интыоссэс тырттэм кельто, луоё кыр дуннелы пӧрмыто; соку соос тодозы, Мон – Кузё-Инмар».

 Глава 6