Выбрать язык
Книги Ветхого Завета
Книги Нового Завета
с русским текстом1Туж бадӟым куараен мынам пелям вераз: «Городэз таркасьёс, ожмаськон-кораськон тӥрлыксэс киязы кутыса, матэ мед лыктозы».2Уйпалаз сылӥсь вылысь капка дорысь куать мурт лыктэ, котькудӥзлэн кияз ожмаськон-кораськон тӥрлыкез вань, соос пӧлын вал на эшшо одӥгез, со дэра дэремен дӥсяськемын, кусказ гожъяськон арбери ошемын. Лыктӥзы но ыргонлэсь лэсьтэм курбон сётон ӝӧк доры султӥзы.
3Соку Израиль Инмарлэн Херувим вылын возиськись пиштӥсь данлыкез коркалэн ӧс выжыяз лэзиськиз. Дэра дэремен дӥсяськем, кусказ гожъяськон арбери ошем пиосмуртэз Кузё-Инмар матаз лыктыны косӥз.4Солы Кузё-Инмар шуиз: «Город шортӥ, Иерусалим шортӥ, мын но солэн шораз лэсьтӥськись вань юрӟым ужъёс понна куректӥсь, лулӟиськылӥсь адямиослэн кымесазы пус пуктылы».5Нош Со мыным кылӥськымон соослы тазьы вераз: «Со сьӧры город шортӥ мынэ, виылэ; синды нокинэ но медаз жаля, эн жалялэ;6Мынам вӧсяськон интые бордысен кутскыса, ваньзэ – пересь муртъёсты, егит пиосты, нылъёсты, вож нуныосты, кышноосты – виылэ, нош кинлэн пусэз вань, огзы борды но кидэс эн йӧттэ». Кутскизы соос корка азьысь тӧроос бордысен.7Соослы шуиз: «Вӧсяськон коркаез сапталэ: азбаръёссэ кулэм муртъёслэн шӧйёсынызы тырмытэ, собере отысь потэлэ». Потӥзы но городын улӥсьёсты виылыны кутскизы.
8Калыкез виылыку, мон огнам кыли, соку мон, ымныр вылам выдыса, бадӟым куараен кеськыса шуи: «Э, Кузё-Инмаре, Инмаре! Аслэсьтыд йыркурдэ Иерусалим вылэ кисьтыса, Израильлэсь кылем люкетсэ оло нош быдэсак быдтод-а ни?»9Мыным Со шуиз: «Израиль но Иуда выжыослэн сьӧлыко ужъёссы туж но туж трос; та музъем вирен орсмемын, город но ӧрекчаськыса улонэн тырмемын; городын вань улӥсьёс ӧрекчаськыса уло; соос шуо уго: ”Куштӥз-кельтӥз та музъемез Кузё-Инмар, уг адӟы Кузё-Инмар”.10Со понна ик Мынам синмы уз жаля, пунэмзэ берыктытэк уг кельты; сьӧсь ужъёссы понна кылзэс юало».11Соку дэра дэремен дӥсяськем, кусказ гожъяськон арбериез ошем пиосмурт шуиз: «Мар Тон монэ косӥд, Мон сое быдэстӥ».
Глава 9