Выбрать язык
Книги Ветхого Завета
Книги Нового Завета
с русским текстом1Кузё-Инмар дорысь мыным верамын вал:2«Адямилэн пиез! Ымнырдэ аммон пиос пала берыкты но соослы пумит азьпалзэ тодытыса вера,3аммон пиослы шу: ”Инмарлэсь Кузё-Инмарлэсь верамзэ кылзэ, тазьы шуэ Инмар Кузё-Инмар: Мынам вӧсяськон интые сярысь ”А-а!” шуыса серекъямед понна, малы ке шуоно со саптамын, Израиль музъем сярысь но, малы ке шуоно со тырттэм кельтэмын, Иуда выжы сярысь но, малы ке шуоно соос пленэ нуэмын, –4тани со понна Мон тонэ шундыӝужанысь пиослы люкетлы сёто, тон дорын ыж гидъёс лэсьтозы, балаганъёссэс пуктозы, тынэсьтыд емышъёстэ сиёзы, йӧлдэ юозы.5Равваез Мон верблюд возён инты каро, аммон пиосты ыж возьмась каро, соку тододы, Мон – Кузё-Инмар.
6Уго тазьы шуэ Инмар Кузё-Инмар: кидэ чабкыса, пыддэ лёгыса улэмед понна, Израиль музъемез туж синазькыль карыса лулыныд шумпотыса улэмед понна, –7со понна Мон тон вылэ киме ӝуто но тонэ калыкъёслы тарканы сёто, калыкъёс пӧлысь тонэ быдто, музъемъёс пушкысь тонэ ӵушыса кушто; тонэ куашкато но тон соку тодод, Мон – Кузё-Инмар.
8Тазьы шуэ Инмар Кузё-Инмар: Моавен Сеир тазьы верам понна: ”Тани, Иуда выжы но мукет калыкъёслэсь номырин уг висъяськы!”9Со понна Мон Моавез кужымтэм кельто, кунгож дурысь городъёссэ талало, солэн музъем вылысьтыз чеберлэсь но чебер Беф-Иешимоф, Ваалмеон но Кириафаим городъёссэ талало но10шундыӝужанысь пиослы соосты аммон пиосын валче люкетлы сёто, аммон пиос сярысь калыкъёс пӧлын тодэ ваён медаз ни улы.11Моавез судить каро, соку тодозы, Мон – Кузё-Инмар.
12Тазьы шуэ Инмар Кузё-Инмар: Иуда выжылы пунэмзэ берыктыса улыкуз, Едом лек ужъёс лэсьтӥз, юн сьӧлыказ,13со понна тазьы шуэ Инмар Кузё-Инмар: Едом вылэ Аслэсьтым киме ӝуто, солэсь адямиоссэ, пудозэ быдто, кыр дуннелы сое пӧрмыто; Феманысен Деданозь улӥсьёс ваньзы меч улэ погралозы.14Аслам израиль калыкелэн киыныз Едомлы Мон пунэмзэ берыкто; вожпотонэ пурӟыку, йыркуре ӝуатскыку, соос Идумеяын косэм ужме быдэстозы, соку Едомын улӥсьёс Мынэсьтым пунэм берыктонме тодозы, – шуэ Инмар Кузё-Инмар.
15Тазьы шуэ Инмар Кузё-Инмар: филистим калык пунэм берыктыса улэмез понна, синазькыль карыса, пунэм берыктыса улэмез понна, вашкала дырысен ик асьсэлы быронэ мынон понна дугдылытэк адӟемпотостэм карыса улэмез понна, –16шуэ Инмар Кузё-Инмар, – со понна филистим калык вылэ киме ӝуто, крит калыкез быдто, соослэсь зарезь дуре кылем люкетсэс быдто;17соосты туж вӧсь карыса, соослы туж зол пунэмзэ берыкто; Мон соослы пунэмзэ берыктыку, соос тодозы, Мон – Кузё-Инмар”».
Глава 25