Выбрать язык
Книги Ветхого Завета
Книги Нового Завета
с русским текстом1Дасэтӥ арын, дасэтӥ толэзьын, толэзьлэн дас кыкетӥ нуналаз, Кузё-Инмар дорысь мыным верамын вал:2«Адями пи! Египетлэн эксэез пала, фараон пала, ымнырдэ берыкты но солы пумит, быдэс Египетлы пумит азьпалзэ тодытыса вера.3Шу: ”Египетлэн эксэез, шуръёсыд пушкын кыллись бадӟым крокодил, ”Мынам шуре, сое мон аслым ачим кылдытӥ” шуись фараон, тани, Мон тыныд пумит султӥсько.4Анлы бордад визнан шедьыто, сьӧм бордад шуръёсысьтыд чорыгъёсты лякыло, шуръёсысьтыд сьӧм бордад лякиськем вань чорыгъёсын валче поттыса,5тонэ астэ но, шуръёсысьтыд вань чорыгдэ но луоё кыре кушто. Кыр бусые тон усёд, уз басьтэ, уз ӝутэ тонэ; кыр пӧйшуръёслы, ин тылобурдоослы тонэ сиыны сёто.6Египетын вань улӥсьёс соку тодозы, Мон – Кузё-Инмар, малы ке шуоно соос израиль калык понна тростник будослы укшась пыкъет вал.7Тон борды киынызы кутӥськем бере тон чальдылӥд но быдэс пельпумазы бышкалскылӥд; тон борды пыкъяськем беразы тон чигиськид но копак куссэс яраё карид.
8Соин ик Инмар Кузё-Инмар тазьы шуэ: тани Мон тон вылэ меч ӝуто но тынэсьтыд калыктэ, пудоостэ быдто.9Соку Египет музъем луоё кырлы, кыр дуннелы пӧрмоз; соку тодозы, Мон – Кузё-Инмар. Со тазьы шуэ бере: ”Мынам шуре, мон сое кылдытӥ”,10соку Мон шуръёсыдлы пумит султӥсько, Египет музъемез луоё кырлэсь но луоё кыр каро, Мигдолысен кутскыса Сӥенаозь, Эфиопиялэн кутсконозяз.11Со вылтӥ адями пыд уз ветлы, пудоослэн пыдзы но отчы уз лёгиськы, отын ньыльдон ар ӵоже нокин но уз улы.12Тырттэм кельтэм музъемъёс пӧлын Египет музъемез луоё кырлы пӧрмыто; тырттэм кылем городъёс пӧлын солэн городъёсыз ньыльдон ар ӵоже тырттэм улозы, Египет калыкез мурт калыкъёс пӧлы, мурт музъемъёсы пазьго.
13Уго тазьы шуэ Инмар Кузё-Инмар: ньыльдон ар ортчем бере мурт калыкъёс пӧлы пазьгиськыса улыны лэзем Египет калыкез огазе люкало.14Египетэз пленысь берен ваё, асьсэлэн вордскем музъемазы, Пафрос музъеме, соосты берен ваё, соослэн лябытгес гинэ эксэйлыксы луоз.15Мукет эксэйлыкъёс сярысь со лябгес луоз, мукет калыкъёс азьын со вылтӥяськыны уз ни быгаты; Мон соосты покчи карисько, мукет калыкъёсын кузёяськыса медаз ни улэ.16Азьланяз Египет израиль калыклы пыкъет уз ни луы, юрттэт курыса Египетлы вазиськылэмзэ, законлы пумит улэмзэ тодаз уз ни вайытэ, соку тодозы, Мон – Инмар Кузё-Инмар”».
17Кызь сизьыметӥ арын, нырысетӥ толэзьын, толэзьлэн нырысетӥ нуналаз, Кузё-Инмар дорысь мыным тазьы верамын вал:18«Адями пи! Вавилонлэн эксэез, Навуходоносор, Тир котыр трос ужатыса, аслэсьтыз армизэ жадьытӥз; ваньзылэн йырзы гольык луиз, пельпумъёссы нярӟылӥзы; нош солы но, солэн армиезлы но Тир карысь, солы пумит ожмаськыкуз лэсьтэм ужъёсыз понна мед-кузьым ӧз сюры.19Соин ик тазьы шуэ Инмар Кузё-Инмар: тани, Мон Навуходоносорлы, Вавилонлэн эксэезлы, Египет музъемез сётӥсько, солэсь узырлыксэ мед киултоз, таласа поттэм узырлыксэ мед талалоз, та солэн армиезлы мед-кузьым луоз.20Со пушкын лэсьтэм ужъёсыз понна, мед-кузьым карыса, солы Египет музъемез сётӥсько, малы ке шуоно со ужъёсты соос Мон понна лэсьтӥзы, – шуиз Инмар Кузё-Инмар.21Со нуналэ израиль калыклы сюр будэто, соос пӧлын тынэсьтыд ымдэ вераны усьто, соку соос тодозы, Мон – Кузё-Инмар».
Глава 29