Выбрать язык
Книги Ветхого Завета
Книги Нового Завета
с русским текстом1Кузё-Инмар дорысь мыным тазьы верамын вал:2«Адями пи! Азьпалзэ тодытыса вера, тазьы шу: ”Тазьы шуэ Инмар Кузё-Инмар: викышъялэ! О, о, нунал!3Уго матын ини нунал, озьы! Кузё-Инмарлэн нуналэз, пилемлэн шобыртон нуналэз матэ вуиз; калыкъёсты судить карон дыр матэ вуэ.4Египет вылэ меч вуоз, Египетын мечен виылэмъёс пограны кутскем бере, солэсь узырлыксэ киултэм бере, инъетъёссэ куашкатэм бере Эфиопияе шимес кышкан вӧлмоз.5Эфиопия но, Ливия но, Лидия но, вань сураськем калык, Хуб, сӥзён-косон басьтэм музъемлэн пиосыз но соосын ӵош меч улын погралозы.
6Тазьы шуэ Кузё-Инмар: Египетлэн пыкъетъёсыз усёзы, солэн бадӟымлыкеныз ушъяськонэз куашкалоз, Мигдолысен кутскыса Сӥенаозь со пушкын меч улын погралозы, – шуиз Инмар Кузё-Инмар.7Тырттэм кылем музъемъёс пӧлын со тырттэм кылёз, солэн городъёсыз но тырттэм кылем городъёс пӧлын луозы.8Египет вылэ тыл лэзем берам, солэн вань пыкъетъёсыз куашкам бере соос тодозы, Мон – Кузё-Инмар.9Со нуналэ Мон дорысь ивор верасьёс пыжъёсын сюлмаськисьтэм эфиоп калыкез кышкатыны кошкозы, Египетэз судить карон нуналэ соос пушкы шимес кышкан вӧлмоз; уго, тани, со лыктэ.
10Тазьы шуэ Инмар Кузё-Инмар: Вавилонлэн эксэезлэн, Навуходоносорлэн, киыныз Египетлэн уллёезлы пум поно.11Со, соин ӵош солэн калыкез но, лекъёс пӧлысь лек калык, та музъемез быдтыны ваемын луозы, Египет вылэ мечсэс ӝутозы но виылэм калыкен музъемез шобыртозы.12Шуръёссэ кӧс музъемлы пӧрмыто, лек муртъёслэн киулазы музъемез сёто, мурт кунысь вуэм калыклэн киыныз музъемез но ваньзэ, мар отын вань, тырттэм кельто, Мон – Кузё-Инмар – тае верай.
13Тазьы шуэ Инмар Кузё-Инмар: сульдэръёссэ куашкато, Мемфисысь ӧрекчи инмаръёссэ быдто, Египет музъемын кивалтӥсь эксэй уз ни луы, Египет музъем вылэ кышкан лэзё.14Пафросэз тырттэм кельто, Цоан вылэ тыл лэзё, Но карлы суд лэсьто.15Египетлэн юнматэм Сӥн карез вылэ Аслэсьтым вожпотонме кисьто, Нолэсь адями уллёзэ быдто.16Египет вылэ тыл лэзё, Сӥн дыр-р куалекъялоз, Но кар куашкалоз, Мемфис вылэ нуназе шорын тушмонъёс урдскозы.17Онысь но Бубастысь егит муртъёс меч улын бырозы, мукетъёссэ пленэ нуозы.18Тафнисын нунал кысоз, отын Египетлэсь зӥбетсэ куашкато, отын солэн вылтӥяськись быдӟымлыкез быроз. Пилем сое ӵоксалоз, нылъёссэ пленэ нуозы.19Озьы Мон Египетлы суд лэсьто, соку тодозы, Мон – Кузё-Инмар”».
20Дас одӥгетӥ арын, нырысетӥ толэзьын, толэзьлэн сизьыметӥ нуналаз, Кузё-Инмар дорысь мыным тазьы верамын вал:21«Адями пи! Египетлэн эксэезлэсь, фараонлэсь, суйбыгытсэ-кужымзэ Мон куашкатӥ ни; мед бурмоз шуыса, со бинямын ӧвӧл на, кияз меч возён понна кужымез мед луоз шуыса, эмъясьёслэн биням бӧзэнызы со бинямын ӧвӧл на.22Соин ик Инмар Кузё-Инмар тазьы шуэ: тани, Мон Египетлэн эксэезлы, фараонлы, пумит султӥсько, солэсь тазазэ но, тӥяськемзэ но суйбыгытсэ куашкато, солэн киысьтыз мечез ик усёз.23Египет калыкез мукет калыкъёс пӧлы кизё, соосты мурт музъемъёсы пазьго.24Нош Вавилон эксэйлэсь суйбыгытсэ юнмато, Аслэсьтым мечме солэн кияз сёто, фараонлэсь суйбыгытсэ куашкато, соку фараон со азьын, трос яраосызлы чидатэк, туж ӝуштоз.25Вавилон эксэйлэсь суйбыгытсэ юнмато, нош фараонлэн суйбыгытъёсыз ланьыралозы; Аслэсьтым мечме Вавилон эксэйлэн кияз сёто но, со сое Египет вылэ урдоз, соку тодозы, Мон – Кузё-Инмар.26Египет калыкез мукет калыкъёс пӧлы кизё, мурт музъемъёсы соосыз пазьго, соку тодозы, Мон – Кузё-Инмар».
Глава 30