Выбрать язык
Книги Ветхого Завета
Книги Нового Завета
с русским текстом1Кузё-Инмар дорысь мыным верамын вал:2«Адями пи! Сеир гурезь пала ымнырдэ берыкты но солы пумит азьпал адӟонэз сярысь тодытыса вера,3солы шу: ”Тазьы шуэ Инмар Кузё-Инмар: тани, Мон тыныд пумит султӥсько, Сеир гурезь! Тон вылэ киме ӝуто но тонэ тырттэм, буш кельто.4Городъёстэ куашкам юртлы пӧрмыто, тон ачид тырттэм кылёд, соку тодод, Мон – Кузё-Инмар.5Тон пушкын вашкала дырысен ни дугдылытэк тушмонъяськон улэ бере, курадӟылон нуналъёсазы, сьӧлыклэсь кышкатэк улонзылы пум понон вакытэ, израиль пиосты меч улэ сётылӥд бере,6со понна, – улӥсько Мон! – шуэ Инмар Кузё-Инмар, – тонэ вирен орсмыто, вир тон сьӧрын ветлоз; вир кисьтонэз тон адӟонтэм ӧд карылы бере, вир кисьтон тон сьӧрын ветлоз.7Сеир гурезез тырттэм кельто, нокин улӥсьтэм кыр дунне каро, со вылтӥ азьлань-берлань ветлӥсьёсты быдто.8Гурезь йылъёссэ кулэм шӧйёсын тырмыто; вырйылъёсад, нёжалъёсад, уркыремъёсад меч улын кулэмъёс усьылозы.9Пумтэм вапумъёс ӵожелы тонэ луоё кырлы пӧрмыто, городъёсад улӥсез уз луы, соку тододы, Мон – Кузё-Инмар.
10Тон тазьы шуылӥськод вал бере: ”Та кык калыкъёс, та кык музъемъёс мынам луозы, ми соосты киултомы, отын Кузё-Инмар ке но луиз”,11со понна, – улӥсько Мон! – шуэ Инмар Кузё-Инмар, – тынэсьтыд соосты синазькыль карыкуд возьматэм йыркуръяськондэ, вожъяськондэ лыдэ басьтыса, Мон тыныд пунэм берыкто; тонэ судить карыкум, соослы Мон Ачим возьматско.12Соку тон тодод, Мон, Кузё-Инмар, кылӥ тынэсьтыд вань ултӥян-сантэман кылъёстэ, кызьы тон Израиль гурезьёс сярысь вералляд: ”Тырттэм кылизы! Соос милемлы сиыны сётэмын!”13Мон азьын тӥ кылыныды бадӟымъяськиды, Мыным пумит тросгес кылъёстэс вераны кутскиды; Мон сое кылӥ.
14Тазьы шуэ Инмар Кузё-Инмар: быдэс музъем выл шумпотыса улыны кутскыку, Мон тонэ луоё кырлы пӧрмыто.15Кызьы тон шумпотӥд израиль калыклэн люкетэз тырттэм кылиз шуыса, тыныд но озьы ик лэсьто: Сеир гурезь, быдэс Идумеяен ӵош тӥ тырттэм кылёды, – соку тодозы: Мон – Кузё-Инмар”».
Глава 35