Выбрать язык
Книги Ветхого Завета
Книги Нового Завета
с русским текстом1Собере пиосмурт монэ берен храмлэн ӧс дораз вайиз, но, тани, храме пыронлэн ӧс янак улысьтыз шундыӝужан пала ву бызе, уго храм шундыӝужан пала учкыса сылэ; ву бызе храмлэн бурпал урдэсысьтыз, курбон сётон ӝӧклэн – лымшор палтӥз.2Уйпал капка пыр монэ поттӥз, педпал сюрес кузя нуыса, шундыӝужан пала учкись сюрес кузя монэ педпал капка доры вуттӥз; тани, бурпалтӥ ву бызе.3Шундыӝужан пала кошкыкуз, та пиосмурт кияз мертаськон гозы возиз, со сюрс гырпум кузьда мертаз но ву вамен монэ поттӥз; ву пыдчерспыри кемозям вал.4Эшшо сюрс гырпум мертаз на, собере со монэ ву вамен поттӥз; ву пыдесозям вал. Эшшо сюрс гырпум мертаз на, собере со монэ ву вамен поттӥз; ву кускозям вал.5Эшшо сюрс гырпум мертаз на, но татын сыӵе ву ӧр вал ини, отӥ Мон вамышъяны ӧй ни быгаты, малы ке шуоно ву сокем мур вал ини, уяны кулэ вал, ву ӧр вамен пыр потыны ӧз ни луы.
6Мыным шуиз: «Адями пи, адӟид-а?» Со монэ берен та ву ӧрлэн ярдуртӥз вайиз.7Берен лыктэм берам, тани, адӟисько, ву ӧрлэн сопалаз но, тапалаз но трос писпуос будо.8Мыным шуиз: «Та ву музъемлэн шундыӝужан палаз бызе, со ӵошкыт интые вуоз но отысен зарезе усёз; соку зарезьлэн вуосыз ӟеч луозы.9Вань улэп макеос, отысь нюж кыстӥськыса ветлӥсьёсыз, отчы кык ву ӧр пырем бере улэп луозы; чорыгез но туж трос луоз, малы ке шуоно отчы та ву пыроз но, зарезьысь вуос ӟеч луозы; кытчы ву ӧр пыроз, отын ваньмыз улӟоз.10Со вӧзын чорыг кутылӥсьёс сылозы, Ен-Гадди дорысен Еглаймозь чорыг кутылон казьёссэс вуэ чӧлтозы. Пӧртэм пумо чорыг луоз, бадӟым зарезьын кадь чорыг туж трос луоз.11Нюръёсыз, ву пукон интыосыз ӧз ке чылкыталэ, отын сылал люкаськыса улоз.12Ву ӧрлэн мыд-мыд пал ярдураз сиён емыш сётӥсь олокыӵе но писпуос будозы; соослэн куаръёссы уз шуялэ, емышъёссы но уз быре; толэзьлы быдэ выль емышсы кисьмалоз, малы ке шуоно соос доры вӧсяськон интыысь ву бызе; емышъёсыз сиыны мынозы, куаръёсыз эмъяськыны яралозы».
13Тазьы шуэ Инмар Кузё-Инмар: «Тани люкет сётъян, соя тӥ Израильлэн дас кык выжыосызлы музъем люкыны кулэ: Иосифлы кык люкет сётэ.14Сое люкетлы басьтэ, – ваньды огмында басьтэ; сое тӥляд атайёстылы сётыны Мон, киме ӝутыса, кыл сётӥ уго, та музъемез тӥ люкетлы басьтоды.
15Тани та музъемлэн йылыз-пумыз: уйпал люкетаз, быдӟым зарезь бордысен кутскыса Хетлон пыр, Цедадэ нуись сюрес кузя,16Емаф, Берот, Дамаскен Емаф улосвылъёс вискын интыяськемын Сӥвраим, Гацар-Тихон, со Авранлэн межа дураз.17Со межа зарезь дурысен Гацар-Енон дорозь, Дамаск дорозь кыстӥськоз, отын, уйпалан, Емаф шаер интыяськемын; тани та уйпал дурыз.
18Шундыӝужан палась межа гожез Авранэн Дамаск вискытӥ нуэ, Галаадэн Израиль музъем вискытӥ, Иордан кузя, уйпал дурысеныз шундыӝужан палась зарезь дорозь нуэ; музъемлэн та шундыӝужан палась дурыз.19Нош лымшор палась дурыз Тамарысен кутскыса Кадис дорысь ченгешон вуос дорозь, ву ӧр валлин, быдӟым зарезь дорозь кыстӥське; та музъемлэн лымшор палась дурыз;20нош шундыпуксён палась дурыз бадӟым зарезь бордын лымшор межа гож дорысен Емафлы ваче беринозь мынэ; та музъемлэн шундыпуксёнысь дурыз.
21Та музъемез асьтэлы Израиль выжыос пӧлын люкетлы куспады люкылэ.22Сое асьтэлы люкетлы басьтыны пус чӧлтыса люкылэ, озьы ик тӥ дорын улӥсь мурт кунысь адямиослы но люкылэ, тӥ дорын соослэн нылпиоссы вордскизы уго; отын улӥсь израиль пиосын соос одӥг радын луыны кулэ, соос тӥледын валче Израиль выжыосын ӵош люкет музъем басьтонэ пырозы.23Мурт музъемысь адями кыӵе выжы пӧлын улэ, со выжы ик солы люкет сётэ», – шуэ Инмар Кузё-Инмар.
Глава 47