Выбрать язык
Книги Ветхого Завета
Книги Нового Завета
с русским текстом1«Тани та выжыослэн нимъёссы: уйпал люкетын, Хетлонысь Емафе нуись сюрес дурын, Гацар-Енон интыяськемын, Дамасклэн уйпал кунгож дорысеныз Емафе нуись сюрес кузя – ваньмыз та шундыӝужанысен зарезь дорозь одӥг люкет, со Данлы сётэмын.
2Данэн артэ, солэн музъем вӧзаз, шундыӝужанысен шундыпуксён палозяз одӥг люкет, со – Асирлэн люкетэз.
3Асирен артэ, солэн музъем вӧзаз, шундыӝужанысен шундыпуксён палозяз одӥг люкет, со – Неффалимлэн люкетэз.
4Неффалимен артэ, солэн музъем вӧзаз, шундыӝужанысен шундыпуксён палозяз одӥг люкет, со – Манассиялэн люкетэз.
5Манассияен артэ, солэн музъем вӧзаз, шундыӝужанысен шундыпуксён палозяз одӥг люкет, со – Ефремлэн люкетэз.
6Ефремен артэ, солэн музъем вӧзаз, шундыӝужанысен шундыпуксён палозяз одӥг люкет, со – Рувимлэн люкетэз.
7Рувимен артэ, солэн музъем вӧзаз, шундыӝужанысен шундыпуксён палозяз одӥг люкет, со – Иудалэн люкетэз.
8Нош Иудаен артэ, солэн музъем вӧзаз, шундыӝужанысен шундыпуксён палозяз, святой музъем, солэн пасьталаез кызь вить сюрс боды кузьда, нош кузьдалаез мукет люкет музъемъёсын, шундыӝужанысен шундыпуксёнозь огкадь. Со музъем вылын вӧсяськон юрт пуктэмын луоз.9Кузё-Инмарлы сӥзем музъем люкеттылэн кузьдалаез кызь вить сюрс, нош пасьталаез дас сюрс боды кузьда луоз.
10Та священной музъем люкет священникъёс киын луыны кулэ, уйпала кызь вить сюрс, зарезь пала пасьталаез дас сюрс, шундыӝужан пала пасьталаез дас сюрс, нош лымшор пала кызь вить сюрс боды кузьда луоз, со шорын Кузё-Инмарлэн вӧсяськон юртэз сылоз.11Тае тӥ Садок пиос пӧлысь священникъёслы сётыны сӥзе, соос Мынэсьтым вӧсяськон интыме возьмаса улӥзы, израиль пиос Мынэсьтым куштӥськыку, соос Мынэсьтым ӧз куштӥське, кызьы куштӥськизы мукет левитъёс.12Священной музъемлэн та люкетэз соос киын луоз, левитъёслэн люкет музъемзы дорын со святыня пӧлысь святыня луоз.
13Левитъёс но священникъёслэн люкетсы вӧзысь люкет музъем басьтозы, солэн кызь вить сюрс кузьдалаез, дас сюрс боды пасьталаез луоз; быдэсэз кузьдалаез кызь вить сюрс, нош пасьталаез дас сюрс боды кузьда луоз.14Та люкетысь музъемез соос вузаны но, воштыны но уг быгато; та музъем люкетэз мукетъёс кие но сётыны уг луы, малы ке шуоно со Кузё-Инмарлэн святыняез.
15Нош кылемез вить сюрс боды пасьталаем, кызь вить сюрс кузьдалаем люкет музъем городлы уже кутыны, улон юртъёс пуктыны, пудо возьман интылы сётӥське; город солэн шораз сылоз.16Тани солэн быдӟалаез: уйпалыз ньыль сюрс вить сю, лымшор палыз ньыль сюрс вить сю, шундыӝужан палыз ньыль сюрс вить сю, шундыпуксён палыз ньыль сюрс вить сю боды кузьда.17Город котырысь буш инты уйпала кык сю витьтон, шундыӝужан пала кык сю витьтон, лымшор пала кык сю витьтон, шундыпуксён пала кык сю витьтон боды кузьда кыстӥськоз.18Нош святой музъемлэн ваче бериназ кылем музъем сярысь верано ке, солэн быдӟалаез: шундыӝужан пала дас сюрс боды кузьда, шундыпуксён пала но дас сюрс боды кузьда, та святой музъем вӧзысь музъем вылын будэм емыш городын ужасьёслэсь кӧтсэс тыронэ мыныны кулэ.19Нош городын ужаны быгато Израильлэн вань выжыосыз пӧлысь потэм вань адямиос.
20Быдэсыз висъям музъем люкетлэн кузьдалаез кызь вить сюрс, пасьталаез кызь вить сюрс, ньыль сэрего, сое святой люкетлы висъялэ, городлэсь люкетсэ но отчы пыртэ;21нош кылемез люкет эксэйлы мед луоз. Святой музъем вӧзысь, городлэн люкетыз вӧзысь но кызь вить сюрс боды кузьда пасьталаез шундыӝужанпал гож дорозь кыстӥське; кызь вить сюрс боды кузьда пасьталаез шундыпуксёнпал гож дорозь кыстӥське; со музъем мукет люкетъёсын огбыдӟа, со эксэйлэн люкетэз луоз; озьыен, святой музъем люкетэн вӧсяськон инты солэн шораз сылозы.22Левитъёслэн музъемзы дорысен, городлэн люкетыз дорысен висказы кусып кыле, со озьы ик эксэй киын луыны кулэ; Иудаен Вениамин вискысь кусып эксэйлэн киулаз луоз.
23Нош кылем выжыос сярысь верано ке, шундыӝужанпал дурысеныз шундыпуксён палозяз одӥг люкет Вениаминлы висъямын.24Вениаминлэн музъем вӧзаз, шундыӝужанпал дурысеныз шундыпуксён палозяз, одӥг люкет Симеонлы висъямын.25Симеонлэн музъем вӧзаз, шундыӝужанпал дурысеныз шундыпуксён палозяз, одӥг люкет Иссахарлы висъямын.26Иссахарлэн музъем вӧзаз, шундыӝужанпал дурысеныз шундыпуксён палозяз, одӥг люкет Завулонлы висъямын.27Завулонлэн музъем вӧзаз, шундыӝужанпал дурысеныз шундыпуксён палозяз, одӥг люкет Гадлы висъямын.28Нош Гадлэн музъем вӧзаз, лымшор палтӥз, лымшор ласянь Тамарысен Кадис вӧзысь ченгешон вуос дорозь, ву ӧр кузя бадӟым зарезёзь та музъемлэн пумыз кыстӥське.29Тани со музъем, кудзэ тӥ, пус чӧлтыса, Израиль выжыос куспын люкылоды, тани соослэн люкет музъемъёссы», – шуэ Инмар Кузё-Инмар.
30«Тани городысь потонъёс: уйпал ласянь мертэтэз ньыль сюрс вить сю;31городлэн капкаосыз Израиль выжыослэн нимзыя нимасько; уйпалан куинь капка: Рувим капка одӥг, Иуда капка одӥг, Левий капка одӥг.32Шундыӝужанпал ласянь ньыль сюрс вить сю мертэтэз, куинь капкаез: Иосиф капка – одӥг, Вениамин капка – одӥг, Дан капка – одӥг.33Лымшорпал ласянь ньыль сюрс вить сю мертэтэз, куинь капкаез: Симеон капка – одӥг, Иссахар капка – одӥг, Завулон капка – одӥг.34Зарезь пал ласянь ньыль сюрс вить сю мертэтэз, капкаез но куинь ик: Гад капка – одӥг, Асир капка – одӥг, Неффалим капка – одӥг.35Городлэн котырез ваньмыз-ӧвӧлэз дас тямыс сюрс боды кузьда.
Нош городлэн нимыз со нуналысен луоз: ”Кузё-Инмар отын”».
Глава 48