Библия
Выбрать язык
Книги Ветхого Завета
Книги Нового Завета
с русским текстом
PSALMOIDEN KIRJ
139 Psalm
1Horan ohjandajale. Davidan psalm.2Sur’ Sünduižem, päzuta mindai pahoiš mehišpäi,
kaiče mindai ahtištajišpäi.
3Heiden meliš om tehta pahad,
kaikuččen päivän hö eciba ridad.
4Heiden kel’ om terav kuti madon kel’,
heiden hulil om kün jad.
5Sur’ Sünduižem, kaiče mindai jumalatomiden käzišpäi,
varjoiče ahtištajišpäi,
ked tahtoiba sorta mindai maha.
6Korgednenaižed paniba minun täht ridoid da rihmoid,
levitiba verkoid tele,
paniba püdusid.
7Minä sanuin Ižandale: sinä oled minun Jumal,
kulišta, Sur’ Sünduižem, minun loičendoiden än’!
8Sur’ Sünduižem, minun Ižand, minun vägev Päzutai,
sinä kaičid minun päd toran aigan.
9Ala anda, Sur’ Sünduižem, jumalatomile sidä, midä hö tahtoiba,
ala anda täuttas heiden pahoile tahtoile,
miše hö ei lendaiži nenad.
10Ked ümbärdaba mindai,
ka neniden päle tulgha heiden huliden viha!
11Langekaha heiden päle palajad hiled!
Olgha ned lükäitud lämoihe, süvähä haudaha,
miše hö ei voižigoi libuda sigäpäi.
12Pahakeline mez’ ei eläška man päl,
pahuz’ vedäb ahtištajan surmha.
13Tedan, miše Ižand tob oiktut ahtištadud mehile,
tegeb oiktan sudan gollile.
14Oigedmeližed kitäškaba sinun nimed,
vigatomad eläškaba sinun sil’miden edes.
Глава 139
