Библия
Выбрать язык
Книги Ветхого Завета
Книги Нового Завета
с русским текстом
PSALMOIDEN KIRJ
146 Psalm
Alliluija!1Kitkat Ižandad!
Hüvä om pajoil kitta meiden Jumalad,
se om sula – mugoine kitändpajo.
2Ižand libutab udes Jerusaliman,
keradab ühthe Izrail’an kaikjale kükstud rahvahan.
3Hän tegeb tervhikš nenid, kenen südäin om muretud,
hän tervehtoitab heiden kibedad sijad.
4Hän om pannu tähthiden lugumäran,
kucub kaikuččen tähthan ičeze nimel.
5Sur’ om meiden Ižand,
sur’ om hänen vägi,
märamatoi om hänen melevuz’.
6Sanankundlijaižid Ižand libutab,
a jumalatomid painab mahasai.
7Pajatagat Ižandale, kitkat händast,
väkat liral meiden Jumalale.
8Hän katab taivhan pil’vil
anttes male vihmad,
kazvatab mägile heinäd
i villäd mehele hüväks.
9Hän andab živatoile sömäd,
sötab varišan poigid, konz ned pakičeba hänel sömäd.
10Hän ei kacu hebon vägehe,
hänele ei ole mel’he mehen hered joksend,
11hänele oma mel’he ned, ked varaidaba händast,
ked vauvataba hänen armoihe.
Глава 146
