Библия
Выбрать язык
Книги Ветхого Завета
Книги Нового Завета
с русским текстом
PSALMOIDEN KIRJ
147 Psalm
Alliluija!1Kitä Ižandad, Jerusalim!
Kitä sinun Jumalad, Sion!
2Hän vahvenzoitab sinun verajiden saupked,
blaslovib nenid, ked eläba sinun südäimes.
3Hän tob mirud sinun seiniden keskhe,
hän sötab sindai parahimal nižul.
4Hän oigendab male ičeze sanan,
se laskese sinna teravas.
5Hän oigendab lunt kuti vaugištoittud villad,
pudištab hüded kuti tuhkad.
6Hän lükäidab ragihid kuti muruid.
Kenak püžub hänen pakaižes?
7Hän virkab ičeze sanan, i kaik sulab,
andab ičeze tulleile puhuda, i vodaškab vezi.
8Hän sanui ičeze sanan Jakovale,
ičeze käsköd i sudad Izrail’ale.
9Hän ei tegend necidä nimiččele toižele rahvahale,
i hänen sudoid hö ei tekoi.
Alliluija!
Глава 147
