Библия
Выбрать язык
Книги Ветхого Завета
Книги Нового Завета
с русским текстом
PSALMOIDEN KIRJ
53 Psalm
1Horan ohjandajale. Jändevändimil. Davidan openduz,2konz zifilaižed tuliba da sanuiba Saulale: «David peitlese meidenno».3Minun Jumal, päzuta mindai sinun nimel
i sudi mindai sinun vägel!
4Minun Jumal, kule minun loičend,
kulišta minun sanad.
5Verhad mehed libuba mindai vaste,
vägekahad eciba minun henged.
Hö ei pidägoi meles Jumalad.
6No minun abutai om Jumal,
Ižand om tugi minun hengele.
7Hän maksab minun vihanikoile heiden pahoiš tegoiš.
Ižand, surmiče heid ičeiž todel.
8Minä ton sinei surel tahtol žertvan,
ülenzoitan sinun nimed, Sur’ Sünduižem,
ved’ se om hüvä.
9Sinä päzutad mindai kaikiš bedoišpäi,
minun sil’mäd nägištaba vihanikoiden kadondan.
Глава 53
