Библия
Выбрать язык
Книги Ветхого Завета
Книги Нового Завета
с русским текстом
PSALMOIDEN KIRJ
57 Psalm
1Horan ohjandajale. Pajatadas kut «Ala ve kadondaha». Davidan runo.2Sanut-ik tö vaiše tot, valdanpidäjad,
i sudit-ik oiktuden mödhe, mehen poigad?
3Südäimen tahtol tö teget värhut,
väges sirdät man päle ičetoi pahoid tegoid.
4Jumalatomad oma sündundaspäi väril teil,
maman vacaspäi oma segoidusiš pagištes kelastust.
5Heiden jad om kuti madon jad,
hö täptaba ičeze korvad, oma kuti kurdeh kü,
6mitte ei kule madonmanitajan än’t,
hot’ kut hüvin hän manitaiži-ki.
7Minun Jumal, katkaida hambhad heiden sus,
murenda, Sur’ Sünduižem, levoiden löuglud!
8Kadogaha hö kut joksii vezi.
Konz pästtas tauguspäi noled, ka murenegha ned.
9Kadogaha, kut avaidanus edenoi,
algha nähkoi päiväšt, kut kolnuden sündunu laps’.
10Edel ku teiden katl’oiden al palaškaba ternanoksad,
piring vegha torhen da korbenuden kaikihe polihe.
11Tozioiged ihastub nägištades aznoičendan,
pezeb ičeze jaugad jumalatomiden veres.
12I sanuba mehed:
«Tozioiged sab tozi-ki paukan.
Ka tozi-ki om Jumal, kudamb pidäb sudan man päl!»
Глава 57
