Библия
Выбрать язык
Книги Ветхого Завета
Книги Нового Завета
с русским текстом
PSALMOIDEN KIRJ
62 Psalm
1Davidan psalm, miččen hän kirjuti, konz oli Judejan tühjas mas.2Sur’ Sünduižem, minun Jumal!
Sindai ecin jo päiväižen noustes.
Sinus palab minun heng,
minun hibj varastab
neciš tühjas, kuinudes, vedetomas mas,
3miše nägištada sinun vägen i hoštotesen,
kut nägin pühäkodiš.
4Sinun armod oma paremba elod.
Minun su ülenzoitab sindai.
5Minä kitän sindai kaiken, kuni elän,
Sinun nimes libutan käded.
6Sinä täutad mindai kut parahiman adivoičetandan aigan,
i minä ülenzoitan sindai ihastuzpajoil.
7Minä meletan sinus magaduzsijal,
pidän sindai meles ön aigal.
8Ved’ sinä tulid minei abuhu,
sinun suugiden al minä olen ihastusiš.
9Kaikel vägel tartui minun heng sinuhu,
sinun oiged käzi tugedab mindai.
10A ned, ked eciba surmad minun hengele,
uptaba man süvüdehe.
11Heid čaptas suril veičil,
hö tegesoiš sal’heks reboile.
12Kunigaz ihastuškab Jumalas.
Kaikutte sab ilod,
ken vahvištoitab sanan hänen kal’t.
A kelastajiden sud sauptasoiš.
Глава 62
