Библия
Выбрать язык
Книги Ветхого Завета
Книги Нового Завета
с русским текстом
PSALMOIDEN KIRJ
63 Psalm
1Horan ohjandajale. Davidan psalm.2Kulišta, minun Jumal, minun loičendan än’.
Kaiče mindai vihanikoiden varaidusespäi.
3Peitä mindai pahantegijoiden tahtoišpäi,
vihanikoiden koukičusišpäi.
4Hö teravzoitiba ičeze keled suriden veičiden kartte,
heiden sanad oma kuti jadnoled,
5miččid hö pästaba peitoiči vigatomaha.
Hö ambuba varastamata i ei varaidagoi.
6Hö vahvištuiba pahas takaindas,
kožuiba, kuna panda verkoid
sanudes: «Sidä ei nägišta niken».
7Hö eciba kelastust,
tahtoides löuta, midä mehel om päs,
midä om hänen südäimen süvüdes.
8No Jumalan nol putub heihe,
varastamata hö saba iškendan.
9Hö saba ičtaze ridaha ičeze kelel.
Kaik, ked nägeba heid, edeneba heišpäi.
10Kaik rahvaz varaidaškandeb,
Hö pagižeškandeba Jumalan töiš,
el’getes, miše nene oma hänen tegod.
11Oigedmeline ihastub Ižandas,
vauvataden hänehe.
Kaik oigedmeližed oma ihastusiš.
Глава 63
