Библия
Выбрать язык
Книги Ветхого Завета
Книги Нового Завета
с русским текстом
PSALMOIDEN KIRJ
75 Psalm
1Horan ohjandajale. Näpvändimil. Asafan psalm. Pajo.2Jumalad tutas Judejas,
hänen nimi om tetab Izrail’as.
3Hänen kodi om Salimas,
eländsija – Sional.
4Sigä hän katkaiži taugan noled,
rindraudad, sured veičed, tora-azeged.
5Ani loštai om sinun hoštotez,
oled vägevamb, mi igähižed mäged.
6Vahvsüdämeližed tegihe sal’heks süvetes unehe,
heiden käzišpäi kadoi vägi.
7Ku sinä, Jakovan Jumal, laskid kidan,
ka hebod dai ajamed uinziba.
8Sinä oled pöl’gästoitai,
ken voib sinun vihan aigan püžuda sinun edes?
9Taivhaspäi sinä sanuid ičeiž sudan pätandan.
Ma pöl’gästui da tegihe hilläks,
10konz Jumal libui sudale,
miše päzutada kaik ahtištadud mas.
11Mehiden viha-ki linneb sinei ülenzoituseks,
vihan jändused sinä hillendad.
12Tehkat se, min olet toivotanuded Ižandale, teiden Jumalale!
Kaik ümbriolijad, togat hänele, Pöl’gästoitajale, lahjad.
13Hän tegeb kundlijaižikš knäzid,
händast varaidaba man kunigahad.
Глава 75
