Выбрать язык
Выбрать рассказ Ветхого Завета
Выбрать рассказ Нового Завета
Мом кӱштымыжым чыла ыштен шуктымым ужынат, Юмо Нойлан тыге каласен: «Пуро ковчегышке да шке ешетым пурто. Шым мужыр дене чыла ару вольык-янлыкым*а – узо ден авам – да ик мужыр дене ару огыл вольыкянлыкым пырля нал. Тыгак чыла кайыкымат шым мужыр дене нал. Нунын тукымышт илыше кодышт манын, тидым ыштыман. Шым кече гыч Мый мландӱмбаке йӱрым колтем. Нылле кече да нылле йӱд йӱр йӱраш тӱҥалеш, тидын дене Мый мландӱмбачын чыла илышым ӱштыл шуэм. Мом ыштымем улынек пытарем».
Лач тиде кечын ковчегыш Ной, ватыже да кум эрге-шешкыже шинчыныт, пырля шым мужыр дене ару чонаным да ик мужыр дене ару огыл чонаным налыныт. Ковчегын омсажым почешышт Юмо Шке петырен.
Шым кече эртымеке, пылпомыш гыч вӱд йогаш тӱҥалын. Нылле кече да нылле йӱд чарныде пеш тале йӱр йӱрын. Йырым-йыр вӱд ташлен, мланде, курык – чыла вӱд йымаке каен. А ковчег вӱд ташлыме дене нӧлталтын. «Тыге мландӱмбалсе чыла илыш пытен: еҥ-влакат, вольыкат, изи ден кугу янлык-влакат, кавасе кайык-влакат пытеныт. Ной да тудын дене ковчегыште лийше-влак веле илыше кодыныт.»
*а Ару вольык-янлык – надыр шотеш пуаш йӧрышӧ.
14 