Выбрать язык
Выбрать рассказ Ветхого Завета
Выбрать рассказ Нового Завета
Голиафым сеҥыше самырык Давид кушкын шуын, датудым Израиль калыкын кугыжажлан шогалтеныт. ТудоИерусалим олаште илаш тӱҥалын. Юмым Давид моткочйӧратен.
Давид рвезынекак арфым шоктен да Юмым чапландарыме муро-влакым мурен. Кугыжа лиймекшат тыгай псалом-влакым шонен лукмым чарнен огыл. Давидын шуко мурыжым Библийышке возымо. Шорык кӱтӱлан сай кӱтӱчӧ кӱлмым Давид моткоч сайын пален. Садлан ик псаломыштыжо Юмо нерген тудо тыге мура:
«Господь – мыйын Кӱтӱчем,
мылам мо кӱлеш, чылажат уло.
Тудо мыйым ужар олыклаштыже кандара,
тыныс вӱд деке вӱден коштыкта,
мыйын чонемым пеҥгыдемда.
Шке ӱшанлыкшылан кӧра
мыйым чын корнышко виктара.
Шем пычкемыш лоп верыште каем гынат,
пеленем Тый улат, сандене шучко дечын мый ом лӱд;
кӱташ налме тоят да пондет мыйым аралат.
Тый тушманем-влак ончылнак
мыланем ӱстелым погет,
вуешем тамле пушан ӱйым шӱрет;
Тый мыйын атем тӱргоч теменат.
Мый палем: ӱмырем мучко
пеленем Тыйын порылык ден йӧратымашет лийыт,
да мый Господьын храмыштыже
илышаш кечем пытымешке лиям».
Кугыжа-влак нерген 2-шо книга (2 Царств) 5:1-5; Псалом 22
54 