Выбрать язык
Выбрать рассказ Ветхого Завета
Выбрать рассказ Нового Завета
Калык Христосын толмыжым моткоч вучен, садлан Иоанн нерген Христос огыл гын манын, чылан шӱмыштышт шонкаленыт. Иоанн тудо жапыште кумдан палыме айдеме улмаш. «Тудо еҥ-влакым ир мландыште тынеш пуртен да языкыштым касарыкташ манын, язык верч ӧкынен, тынеш пураш туныктен. Тудын деке уло Иудей эл да Иерусалимысе калык лектыныт. Нуно шке языкыштым почын ойленыт, да Иоанн чыланыштымат Иордан эҥереш тынеш пуртен.»
«Иоанн Утарыше огыл дыр?» манын шонкалыше-влаклан Иоанн вашештен: «Языкдам касарыктен, Юмо деке савырныза манын, мый тендам вӱд дене тынеш пуртем, но почешем Толшо мый дечем виянрак, мый Тудын йолчиемжым нумалашат ом йӧрӧ. Тудо тендам Юмын Шӱлыш да тул дене тынеш пурта». Тыге тудо Иисус Христос нерген ойлен.
«Тунам Иисус Галилей гыч Иордан эҥер воктеке Иоанн деке тынеш пураш толын. Но Иоанн Тудым чарен ойлен: ”Мыйым Тый тынеш пуртышаш улат ыле, а Тый мый декем толынат!” Иисус вашештен: ”Ынде тек тыге лиеш. Тидын дене ме кӱлеш семын Юмын эрыкшым*a шуктена». Тунам Иоанн тынеш пурташ келшен. Тынеш пуртымо деч вара Иисус тунамак вӱд гыч лектын. Тудлан пылпомыш почылтын, да Тудо Юмын Шӱлышым ужын. Шӱлыш кӧгӧрчен семын волен да ӱмбакыже толын. Пылпомыш гыч йӱк шоктен: ”Тиде Мыйын йӧратыме Эргым, Мыйын поро кумылем Тудын дене”.»
Лука 3:15; Марк 1:4-5; Матфей 3:11, 13-17
*а Эрык – воля, желание.
76 