Выбрать язык
Книги Ветхого Завета
Книги Нового Завета
без русского текстаМАРКСЯНЬ БУР ЮӦР | ЕВАНГЕЛИЕ ОТ МАРКА |
15 юр | Глава 15 |
| 1 Асывводзнас чукӧртчисны аркирейяс, юрнуӧдысьяс, Индӧдӧ велӧдысьяс да став веськӧдлан котырыс. Сёрнитчӧм бӧрын Исусӧс кӧрталӧмӧн нуӧдісны Пилат дінӧ да сетісны сылы. | 1Немедленно поутру первосвященники со старейшинами и книжниками и весь синедрион составили совещание и, связав Иисуса, отвели и предали Пилату. |
| 2 Пилат юаліс Исуслысь: «Тэ-ӧ иудейяслӧн Ӧксыыс?» Исус вочавидзис: «Тэ шуан». | 2Пилат спросил Его: Ты Царь Иудейский? Он же сказал ему в ответ: ты говоришь. |
| 3 Аркирейяс унаторйысь мыжалісны Исусӧс. | 3И первосвященники обвиняли Его во многом. |
| 4 Пилат бара юаліс Сылысь: «Он тай нӧ нинӧм шу? Кылан, кутшӧма Тэнӧ мыжалӧны». | 4Пилат же опять спросил Его: Ты ничего не отвечаешь? видишь, как много против Тебя обвинений. |
| 5 Исус весиг вочакыв эз шу. Пилатӧс тайӧ шензьӧдіс. | 5Но Иисус и на это ничего не отвечал, так что Пилат дивился. |
| 6 Быд во Ыджыд лунӧ йӧз корӧм серти Пилат лэдзліс дзескыдінысь ӧти мортӧс. | 6На всякий же праздник отпускал он им одного узника, о котором просили. |
| 7 Сэки дзескыдінын пукалісны зык лэптысьяс. На лыдын тшӧтш вӧлі Варавва. Зык дырйиыс найӧ мортӧс виӧмаӧсь. | 7Тогда был в узах некто, по имени Варавва, со своими сообщниками, которые во время мятежа сделали убийство. |
| 8 Чукӧртчӧм йӧз пондісны горзӧмӧн корны Пилатӧс вӧчны налы сійӧ, мый пыр вӧчлывліс. | 8И народ начал кричать и просить Пилата о том, что он всегда делал для них. |
| 9 Пилат юаліс: «Кӧсъянныд-ӧ, медым ме лэдзи тіянлы иудейяслысь Ӧксысӧ?» | 9Он сказал им в ответ: хотите ли, отпущу вам Царя Иудейского? |
| 10 Пилат тӧдіс, мый аркирейяс сетісны Исусӧс сы киӧ вежалӧмныс понда. | 10Ибо знал, что первосвященники предали Его из зависти. |
| 11 Аркирейяс ыззьӧдісны йӧзсӧ, мед Исус пыдди корасны лэдзны Варавваӧс. | 11Но первосвященники возбудили народ просить, чтобы отпустил им лучше Варавву. |
| 12 Пилат юаліс: «Мый шуанныд вӧчны Сыкӧд, кодӧс нимтанныд иудейяслӧн Ӧксыӧн?» | 12Пилат, отвечая, опять сказал им: что же хотите, чтобы я сделал с Тем, Которого вы называете Царем Иудейским? |
| 13 Найӧ горӧдісны: «Тувъяв Сійӧс!» | 13Они опять закричали: распни Его. |
| 14 «Мый лёксӧ Сійӧ вӧчис?» – юаліс Пилат. Йӧзыс гораджыка на горзісны: «Тувъяв Сійӧс!» | 14Пилат сказал им: какое же зло сделал Он? Но они еще сильнее закричали: распни Его. |
| 15 Йӧзлы шогмӧм могысь Пилат лэдзис Варавваӧс, а Исусӧс нӧйтӧм бӧрын сетіс тувъявны. | 15Тогда Пилат, желая сделать угодное народу, отпустил им Варавву, а Иисуса, бив, предал на распятие. |
| 16 Шыпуртаяс нуӧдісны Исусӧс римса юралысьлӧн керка йӧрӧ, сэтчӧ вайӧдісны тышкайӧзӧс. | 16А воины отвели Его внутрь двора, то есть в преторию, и собрали весь полк, |
| 17 Найӧ пасьтӧдісны Исусӧс пемыдгӧрд кышанӧ, юрас пуктісны лежнӧгысь кыӧм юркытш, | 17и одели Его в багряницу, и, сплетши терновый венец, возложили на Него; |
| 18 сэсся пондісны нимӧдны Сійӧс: «Мед олас иудейяслӧн Ӧксы!» | 18и начали приветствовать Его: радуйся, Царь Иудейский! |
| 19 Кучкалісны юрас беддьӧн, сьӧлалісны Сійӧс да пидзӧсчанясьӧмӧн копрасисны Сы водзын. | 19И били Его по голове тростью, и плевали на Него, и, становясь на колени, кланялись Ему. |
| 20 Сералӧм-лёкӧдӧм бӧрын найӧ босьтісны Исус вылысь пемыдгӧрд кышансӧ да бӧр пасьтӧдісны Сійӧс Аслас паськӧмӧ, сэсся нуӧдісны тувъявны. | 20Когда же насмеялись над Ним, сняли с Него багряницу, одели Его в собственные одежды Его и повели Его, чтобы распять Его. |
| 21 Исуслысь крестсӧ тшӧктісны нуны видз-му вылысь локтысь киринеяса Симонлы, Ӧльӧксанлӧн да Руфослӧн батьлы. | 21И заставили проходящего некоего Киринеянина Симона, отца Александрова и Руфова, идущего с поля, нести крест Его. |
| 22 Исусӧс вайӧдісны Голгопа керӧсӧ, нимыслӧн вежӧртасыс лоӧ ”Юр лы”. | 22И привели Его на место Голгофу, что значит: Лобное место. |
| 23 Сэні Сылы сетісны смирна сора вина, но Сійӧ эз ю. | 23И давали Ему пить вино со смирною; но Он не принял. |
| 24 Исусӧс тувъялысьяс пудъясьӧмӧн юкисны Сылысь паськӧмсӧ. | 24Распявшие Его делили одежды Его, бросая жребий, кому что взять. |
| 25 Исусӧс тувъялісны ӧкмыс час асылӧ. | 25Был час третий, и распяли Его. |
| 26 Юр весьтас ӧшӧдісны мыжалан пасйӧд: «Иудейяслӧн Ӧксы». | 26И была надпись вины Его: Царь Иудейский. |
| 27 Сыкӧд орччӧн тувъялісны кык лёк вӧчысьӧс: ӧтисӧ веськыдладорас, мӧдсӧ шуйгаладорас. | 27С Ним распяли двух разбойников, одного по правую, а другого по левую сторону Его. |
| 28 Тадзи иніс Гижӧдыс: «Сійӧс пуктісны Индӧдтӧг олысьяс лыдӧ». | 28И сбылось слово Писания: и к злодеям причтен. |
| 29 Сэті мунысьяс лёкысь видзӧдӧмӧн омӧльтісны Исусӧс: «Крам жугӧдысь да куим лунӧн сійӧс лэптысь, | 29Проходящие злословили Его, кивая головами своими и говоря: э! разрушающий храм, и в три дня созидающий! |
| 30 мезды Асьтӧ, лэччы крест вывсьыд!» | 30спаси Себя Самого и сойди со креста. |
| 31 Сійӧс лёкӧдісны тшӧтш аркирейяс да Индӧдӧ велӧдысьяс: «Мукӧдӧс мездіс, а Асьсӧ мездыны оз вермы! | 31Подобно и первосвященники с книжниками, насмехаясь, говорили друг другу: других спасал, а Себя не может спасти. |
| 32 Кристос, Израильлӧн Ӧксы, мед лэччас крест вывсьыс. Аддзылам кӧ тайӧс, сэки эскам». Исусӧс лёкӧдісны тшӧтш орччӧн тувъялӧмаяс. | 32Христос, Царь Израилев, пусть сойдет теперь с креста, чтобы мы видели, и уверуем. И распятые с Ним поносили Его. |
| 33 Луншӧр кадӧ пемдіс став му пасьталаыс, пемыдыс сулаліс куим часӧдз. | 33В шестом же часу настала тьма по всей земле и продолжалась до часа девятого. |
| 34 Куим час гӧгӧрын Исус ыджыд шыӧн горӧдіс: «Эли, Эли, лама сабактани?» Тайӧ лоӧ: «Енмӧй, Енмӧй, мыйла Тэ эновтін Менӧ?» | 34В девятом часу возопил Иисус громким голосом: Элои! Элои! ламма савахфани? --что значит: Боже Мой! Боже Мой! для чего Ты Меня оставил? |
| 35 Сэні сулалысьясысь кодсюрӧ шуисны, Илляӧс пӧ корӧ. | 35Некоторые из стоявших тут, услышав, говорили: вот, Илию зовет. |
| 36 Ӧти морт котӧртіс, кӧтӧдіс вина уксусӧн губка*а, сэсся бедь помӧ сатшкӧмӧн мыччис сійӧс Исуслы да шуис: «Энлӧй! Видзӧдлам, локтас оз Илля лэдзны Сійӧс». | 36А один побежал, наполнил губку уксусом и, наложив на трость, давал Ему пить, говоря: постойте, посмотрим, придет ли Илия снять Его. |
| 37 Исус горӧдіс ыджыд шыӧн, сэсся лолыс петіс. | 37Иисус же, возгласив громко, испустил дух. |
| 38 Сэки крамын ӧшалысь дӧраыс вывсяньыс улӧдзыс кык пельӧ косяссис. | 38И завеса в храме раздралась надвое, сверху донизу. |
| 39 Сё тышкамортӧн веськӧдлысь сулаліс Исуслы воча. Кор сійӧ аддзис, кыдзи Исуслӧн горӧдӧм бӧртиыс лолыс петіс, шуис: «Тайӧ Мортыс збыльысь Ен Пи вӧлӧма». | 39Сотник, стоявший напротив Его, увидев, что Он, так возгласив, испустил дух, сказал: истинно Человек Сей был Сын Божий. |
| 40 Сэні вӧліны аньяс, кодъяс ылісянь видзӧдісны. На пӧвстын вӧліны Магдала Марья, томджык Яковлӧн да Иосейлӧн Марья мамныс да Саломия. | 40Были тут и женщины, которые смотрели издали: между ними была и Мария Магдалина, и Мария, мать Иакова меньшего и Иосии, и Саломия, |
| 41 Галилеяын найӧ ветлывлісны Исускӧд да кесъявлісны Сылы. Нӧшта сэні вӧлі уна мукӧд ань, кодъяс локтісны Исускӧд Ерусалимӧ. | 41которые и тогда, как Он был в Галилее, следовали за Ним и служили Ему, и другие многие, вместе с Ним пришедшие в Иерусалим. |
| 42 Вӧлі рыт, шойччан лунлы паныд. | 42И как уже настал вечер, --потому что была пятница, то есть день перед субботою, -- |
| 43 Аримафея карысь воис Ӧсип, веськӧдлан котырысь пыдди пуктана морт. Сійӧ виччысис Ен Юралӧмлысь воӧмсӧ. Сійӧ повтӧг муніс Пилат дінӧ да корис Исуслысь шойсӧ. | 43пришел Иосиф из Аримафеи, знаменитый член совета, который и сам ожидал Царствия Божия, осмелился войти к Пилату, и просил тела Иисусова. |
| 44 Пилат чуймис, мый Исус кулӧма нин. Сійӧ корис сё тышкамортӧн веськӧдлысьӧс да тӧдмаліс, важӧн-ӧ куліс. | 44Пилат удивился, что Он уже умер, и, призвав сотника, спросил его, давно ли умер? |
| 45 Кор Пилат тӧдмаліс Исуслӧн кулӧм йылысь, лэдзис Ӧсиплы босьтны шойсӧ. | 45И, узнав от сотника, отдал тело Иосифу. |
| 46 Ӧсип ньӧбис шабді дӧра, босьтіс крест вылысь шойсӧ, гартыштіс дӧраӧ да пуктіс изкыртаӧ кералӧм дзебанінӧ. Пыранінас путкыльтіс из. | 46Он, купив плащаницу и сняв Его, обвил плащаницею, и положил Его во гробе, который был высечен в скале, и привалил камень к двери гроба. |
| 47 Магдала Марья да Иосейлӧн Марья мамыс видзӧдісны, кытчӧ дзебасны Исусӧс. | 47Мария же Магдалина и Мария Иосиева смотрели, где Его полагали. |
*а 36 15:36 Видзӧд Мт. 27:48.
Глава 15