Выбрать язык
Выбрать рассказ Ветхого Завета
Выбрать рассказ Нового Завета
Шым ий эртымеке, шужымо жап тӱҥалын. Чыла велымат Египетышке Иосиф деке кинде налаш толаш тӱҥалыныт. Египетыште кинде улмо нерген Иосифын Иаков ачажат пален налын. Тудо изирак Вениамин эргыжым веле пеленже коден, лу кугурак эргыжым кинде налаш колтен.
Нуно Иосиф деке толыныт да, вуйыштым савен, киндым ужалаш йодыныт. Иосиф нуным пален, а изаж-влак тудым пален огытыл. Иосифым ужален колтымышт деч вара нуно тудын нерген нимомат колын огытыл. Иосиф изаж-влакым палымыжым ончыктен огыл. Тушманын шолып колтымо еҥышт улыт манын титаклен. Изаж-влак гын тудлан чын айдеме улмышт, мӧҥгыштышт эше ик изи шольыштым да ачаштым коден толмышт нерген ойленыт. Туге гынат Иосиф нуным казаматыш петыраш кӱштен. Кумшо кечылан каласен: «Те чын айдеме улыда гын, тек иктыже тышан казаматыште кодеш, а молышт мӧҥгышкышт шужышо ешыштлан киндым наҥгаят. Вара шке мутдам пеҥгыдемдаш мый декем изи шольыдам кондыза».
Изаж-влак икте-весыштлан маныныт: «Ме, чынак, шольына ончылно сулыкыш пурымыланна кӧра тыгай туткарыш логалынна. Чаманаш сӧрвалымыж годым чонжо йӧсланымым ме ужна, а тудым ыжна колышт». Иосиф нунын кутырымыштым умылен, а кусарыше улмылан кӧра изаж-влак тидым пален огытыл. Иосиф пӧлем гыч лектын да шортын колтен. Пӧртылмекше, Симеон изажым петырымаште коден, молыштым, мешакышкышт шурно пырчым темен, мӧҥгышт колташ кӱштен.
Тӱҥалтыш (Бытие) 41:54-57; 42:1-25
32 