Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИЕРЕМИЯ ПРОРОК
Иеремия пророк Инмар сярысь дугдылытэк дышетыса, тодытыса улӥз. Тофетын но Иерусалимын улӥсьёсты пыкылыса улӥз, соослэн мурт инмаръёслы-сульдэръёслы йыбыртъяса улэмзы, соослы курбон сётылэмзы понна. Иеремия Тофет карысен тодытыны кутскиз. Собере со Иерусалиме лыктӥз но Инмар храмлэн азбарысеныз отчы люкаськем вань калыклы вераз: «Тазьы шуэ Израильлэн Инмарез Саваоф Кузё-Инмар: “Та город вылэ, со котырысь вань гуртъёс вылэ азьвыл ик верам шугадӟонъёсты лэзё, уго соос вог сямоесь, Мынэсьтым кылме кабыл уг басьто“».
Храмысен та верамез священник кылӥз но туж йырзэ кур кариз. Иеремия пророкез мыжгиз но пыдъёссэ сьӧлтэтэ думылытӥз. Мукетаз нуналэ сое лэзиз. Соку Иеремия нош ик вераны кутскиз израиль городъёслэн, вань калыклэн, Кузё-Инмарлы ярантэм священниклэн азьпал адӟонзы сярысь. Собере Иеремия таӵе кылъёсын Инмарлы вазиськиз: «Тон монэ валтыса нуиськод, Кузё-Инмаре, – мон мынӥсько, Тон мынэсьтым кужмо – монэ вормид. Нуналлы быдэ монэ серем каро, ваньзы монэ сантэмало. Азьпалан куашкан, таркаськон луоз шуыса верасько, черекъясько; Кузё-Инмарлэн кылыз понна монэ ултӥяло, серем каро. Соку мон малпай: “Инмар сярысь тодазы уг ни вайыты, Солэсь нимзэ уг ни поттылы“, нош Солэн кылыз мынам сюлмам тыл кадь ӝуаз, ӝуась тыл мынам лыосам пыремын кадь. Сое кутыса-утьыса мон каньсырай, но кутыса возьыны ӧй быгаты».
Оскиськымон пророклэн трос вал ӝикатыса, улляса возисьёсыз, нош Инмар сое ялан юнматыса возиз. Соин ик Иеремия шуиз: «Кужмо ожгарчи кадь Кузё-Инмар монэн ӵош, соин ик монэ ӝикатыса возисьёс канжаськозы, монэ уз ворме, быдэсак возьытэ вуттэмын луозы, малы ке шуоно, визьтэм муртъёс кадь лэсьтылӥзы. Быдӟым Кузё-Инмаре! Шонер улӥсез Тон чакласькод-эскериськод, Тон лулэз, сюлэм пушез адӟиськод. Кузё-Инмарлы кырӟалэ, Кузё-Инмарез ушъялэ, уго урод муртъёслэн ки улазы сюрем куанеръёсты Со мозмытэ».
Иеремия 19:13-15; 20:1-13
220 
