Выбрать язык
Книги Ветхого Завета
Книги Нового Завета
с русским текстом1 Мый, Христос дене ушнен, чыным ойлем‚ ом шойышт‚ Юмын Шӱлышын виктарыме совестемат тидымак ончыкта:2 мыйын кугу ойгем уло, шӱмыштем – пытыдыме йӧсылык.3 Вет шочмо калыкысе еҥ-влак олмеш мый шкежак Христос деч ойырен кораҥдыме лийнем ыле.4 Нуно Израиль калык улыт: нуным эргылыкеш налме, Юмын чапше да ойпидыш-влак – нунын; законым‚ служитлыме радамым да сӧрымаш-влакым нунылан пуымо.5 Нуно ача-влакын тукымышт улыт‚ нунын дечак Христос айдеме семын шочын, Тудо – чыла ӱмбалне Юмо. Тудо курымеш моктымо лийже! Аминь.
6 Туге гынат Юмын шомакше куатшым йомдарен огыл. Вет кӧ Израиль тукым деч, чылан огыл израильтян улыт,7 Авраамын урлыкшо деч шочшо чылан огыл тудын икшывыже улыт. Юмо тудлан каласен: «Тыйын тукымет Исаак гоч шуйна».*а8 Вес семынже‚ тудын капше деч шочшо-влак огыл Юмын икшыве улыт‚ а Юмын сӧрымӧ почеш шочшо-влак тукымлан шотлалтыт.9 А сӧрымаш тыгае: «Палемдыме жапыште мый пӧртылам‚ тунам Сарран эргыже лиеш».*б10 Но тиде чыла огыл, эше Ревекка лийын, тудо мемнан Исаак ачана деч нелемын.11-12 Йыгыр эрге шочмо деч ончычак‚ нунын иктаж-мом сайым але осалым ыштымышт деч ондак‚ Ревеккалан каласыме улмаш: «Кугурак эргыч изиракшылан тарзыланаш тӱҥалеш». Юмын шонен пыштымыже умбакыжат ойырен налмашеш негызлалтше манын, Тудо тидым каласен – чыла тидыже паша деч огыл‚ а Ӱжшӧ деч.*в13 Тыге возымо:
«Иаковым Мый йӧратенам‚
а Исавым ужмем шуын огыл».*г
14 Мом каласена? Юмо ала чын огыл ышта? Уке.15 Вет Моисейлан Тудо ойлен:
«Кӧлан Мый порылыкым ончыктынем – ончыктем‚
кӧм чаманынем, тудым чаманем».*д
16 Тыгеракын‚ тидыже айдеме шонымо да тыршыме дене огыл‚ а Юмын чаманымыж дене лиеш.17 Возымаште Юмо фараонлан тыге ойла: «Тыйын гоч шке куатем ончыкташ да пӱтынь мланде мучко лӱмем нерген палдараш манын‚ Мый тыйым кӱшкӧ нӧлталынам».*е18 Тыгеракын‚ Юмо, кӧм шона‚ чамана‚ кӧм шона – кӱэмалтше шӱманым ышта.
19 Ынде тый мый дечем йодат: «Вара молан Юмо мемнам шылтала? Иктаж-кӧ Тудын шонымыжо ваштареш шоген кертеш мо?»20 А кӧ улат тый‚ айдеме‚ Юмылан торешланаш? Але вара шун ате ыштышыжлан ойла: «Молан тый мыйым тыгайым ыштенат?»21 Кӧршӧк ыштышын ик шун денак тӱрлӧ атым ышташ эрыкше уке мо: иктыштым аклыме арвер кӱлмӧ годым кучылташлан, весыштым – тыглай жапыште кучылташлан?22-23 Чаплан ончылгоч ямдылыме порылык ате-влак гоч Шкенжын чапшын уло поянлыкшым палдараш манын, Юмо, шке шыдыжым ончыкташ да куатшым палдараш шонен‚ пыташ ямде шыдылык ате-влакым чытенак чытен гын, мо вара?24 Ме, иудей кокла гыч веле огыл‚ а вес калык-влак кокла гычат ӱжмӧ-влак, нине порылык ате улына.25 Осийын книгаштыже Юмо тыгак ойла:
«Могай калык Мыйын лийын огыл‚ тудым Шкемын манам;
кӧм йӧратен омыл‚ йӧратымем манам».
26 «Кушто нунылан каласыме:
”Те Мыйын калыкем огыдал”‚
тушто нуным илыше Юмын эргыж-влак маныт».*ж
27 А Израиль нерген Исаий тыге ойла: «Израиль эрге-влак теҥыз ошма пырче наре лийыт ыле гынат‚ шагалже веле утаралтеш.28 Господь пашам мучашке шукта, чын почеш тудым писын ышта; жапым шуйкалыде, Господь мланде ӱмбалне шке пашажым ышта».*з
29 Исаий ончылгоч каласыме семын:
«Господь Саваоф мемнан деч урлыкым ок кодо ыле гын‚
ме Содом гай лийынна ыле,
Гоморра гайыш савырненна ыле».*и
30 Мом каласена? Вес калык-влак чыныш лукталташ тыршен огытыл, но чыныш лукталтыныт, нунын чыныш лекмышт ӱшанымашеш негызлалтын.31 Израиль гын чыныш лекме закон деке шуаш тыршен‚ но тушко шуын огыл.32 Молан? Тидлан: Израиль ӱшанымылан огыл‚ а законым шуктымылан эҥертен. Тудо шӱртньымӧ кӱэш шӱртнен.33 Тидын нерген тыге возымо:
«Теве Сионышто шӱртньымӧ кӱм,
алгаштаралтме кӱм пыштем‚
тудлан ӱшаныше намысыш ок пуро».*к
*а 9:7 Тӱҥ 21:12.
*б 9:9 Тӱҥ 18:10.
*г 9:13 Мал 1:2-3.
*д 9:15 Лекм 33:19.
*е 9:17 Лекм 9:16.
Глава 9