Выбрать язык
Выбрать рассказ Ветхого Завета
Выбрать рассказ Нового Завета
Нойын кугурак эргыжын тукымыштыжо Авраам лӱман айдеме лийын. Тиде лӱмым тудлан Юмо пуэн. Мемнан йылмышке кусараш гын, тидыже «шуко калыкын ачаже» манмым ончыкта. Авраам Юмын мутшым колыштын илен, да Юмо тудым «шке йолташем» манын.
Икана Авраамлан тыге каласен: «Кодо шочмо мландетым, тукыметым, ачатын суртшым да кай Мыйын ончыктымо мландышке. Тый дечет тушто кугу калыкым ыштем, тыйым суапландарем, лӱметым моткоч кӱшкӧ нӧлталам. Тыланет порым тыланыше-влакым Мый суапландарем, а тыйым каргыше-влакым Мый каргем, тыйын урлыкет гоч мландӱмбалсе чыла тукым суапландаралтеш».
Авраам чылажымат Юмын ойжо почеш ыштен. Сарра ватыжым, шольыжын Лот лӱман эргыжым, шке илыме верыштыже улшо погыжым да тыште илыше кул-влакшым пырля налын, Юмын ончыктымо Ханаан мландышке каен. Нуно пеш кугу тумо кушмо верышке миен шуыныт. Тушто Авраамлан Юмо кончен да тыге каласен: «Тиде мландым Мый тыйын шочшет-кушшет-влаклан пуэм».
Тӱҥалтыш (Бытие) 12:1-7, 17:5; Иаковын серышыже 2:23
18 